Winali 8:16 - Wunta Mempori

¹⁶ ka anu i pada one moweeakomiu mpongkaa mana, anu nahi domento'orio uempu'umiu, ka Doweweu komiu mpe'urumako ka Do'arahako komiu, poko'ariano butu Ira moweweu moiko ndi omiu.

Winali 8:16 ပူးပေါင်းရင်းမြစ်များ

Tegagia 22:1

Umarino gagi luwuno atuu, Ondae Ue Ala umarahakono i Burahima. Mepau Ira ndi onae, ”Burahima,” ka i'amba sumangki, ”Oo Ue.”

2 Tawarika 32:31

Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.

Ayubi 42:12

Ondae i Ue rumonsoo i Ayubi a laro ntumuwuno lembuino laluaopo sekono tuwuno anu i ndi'ipua. Onae mohawe hopulu ka opaa nsowu bembe bimba, nomo nsowu unta, asa nsowu pasa sapi, ka asa nsowu kalide waino.

Po'unde-unde 119:68

Omiu moiko ka moweweu moiko; Ipaguruakunemo luwuno pompakosi-Miu.

Peluarakoa 15:25

Mebo-booliomo i Musa ndi Ondae i Ue, ka Ondae i Ue tumisoakono asa mpole keu. Ipewunoakono i Musa keu atuu a laro uwoi, uwoi atuu gagi mo'ahi dome'inuo. I ra'aimo Dopoweeako ira i Ue luwuno songka ka atora. I ra'aimo Do'arahako ira,

Peluarakoa 16:15

Tempono domengkitao to Isaraeli, mpesisikeno ira pada ondaedo, ”Hapa atuu?” Hangano nahi domento'orio ba hapa atuu, sine i potaeako ira i Musa, ”Onaemo andio roti gagi kangamiu anu Doweeakomiu i Ue.

Peluarakoa 16:31

To Isaraeli meneeakono roti atuu ”manna”; mopute nggorino kana ketumbara ka namino kana kukisi sinaloako siu hoani.

Peluarakoa 16:4

Ka Do'amba mepau i Ue ndi Musa, ”Aku mompotiiakomiu usa roti te'inso i langi; gagi sompo oleo tongku atuu ira mpeluarako mpobini kaangado sompo tiano asa oleo, ka Ku'arahako ira, ba ira koa mentuwu menunu songka-Ku ke naahi.

Peluarakoa 20:20

Sine ipotaeako ira i Musa tongku atuu, ”Si medoito, nde hawe-Do Ue Ala aiwa umarahako komiu ka dumoitoako Ira kongko mpiha a laro matamu ka simpoweweu hala.”

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

Winali 13:3

asalakono si mperorongeakono pinauno nabi ke puu mpo'ipi atuu. Hangano, Ondae i Ue, Ue Alamiu, umara-arahako komiu ka Doto'orio, ba mentee koa ntu'u impehohawa Ira a tompaano aroamiu ka a tompaano sumangamiu.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

Winali 8:3

Gagi Doweweu komiu mpe'urumako, mo'inee komiu memokoninggo ka Dopakaa komiu mana anu nahi imento'orio ka anu nahi domento'orio mbo'u uempu'umiu, Ira weweu komiu kai mento'orio, nine mia mentuwu komba butu inso a roti, sine mia mentuwu inso a luwuno anu pinau-Do i Ue.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.