Winali 7:8 - Wunta Mempori

⁸ Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 7:8 ပူးပေါင်းရင်းမြစ်များ

Tegagia 19:16

Hangano nahi pontuturako, mia orua ira atuu padiio kaeno, kaeno beineno ka kaedo orua ira anano, hangano Dopehohawao i Ue. Ka i'amba mia orua atuu tumaateo meluarako ka motolao i bungkuno kota.

Tegagia 19:29

Kanatuumo tempono Doropuo Ue Ala luwuno kota i Lembono Yarade, Ondae Ue Ala rumambeo i Burahima. Onaemo ka Doluarakono Ue Ala i Lo'oti inso i tongano po'ianga anu winowangunsule-Do atuu, tempono luwuno kota po'iangano i Lo'oti Dowowangunsuleo.

2 Samueli 22:20

Dowawa aku meluarako a mpo'ianga malua, Dokadudui aku, hangano Dopekona aku.

1 Mokole 10:9

Unde-unde Iramo i Ue, Ue Alamiu anu biniki komiu ka motoro komiu a ngkadera poparentaa i Isaraeli! Hangano Dopehohawao i Ue Isaraeli ranta nahina tampulaano, Dopotorokomiu gagi mokole kai weweuo moleoa ka menteea.”

1 Tawarika 16:16

pedandia anu wineweu-Do saru i Burahima, ka sumpa-Do ndi Saki,

2 Tawarika 9:8

Unde Iramo i Ue, anu memoiko komiu ranta Dopotoro komiu a wawo ngkadera poparentaa-Do gagi mokole a nee-Do i Ue, Ue Alamiu. Hangano Ondae Ue Alamiu mehohawa ira to Isaraeli, onaemo ka Dopakosi ira ranta nahina tampulaano, ka mokogagi komiu mokoledo kai poweweu moleoa ka menteea.”

Po'unde-unde 105:42

hangano Dorambeo pau-Do anu mempori, ka i Burahima tetenaa-Do.

Po'unde-unde 44:3

Saru kae-Miu isa'a Isaari iramo tongku, ka Itano ira; Isolangi ira suku tongku, Ipo'inee ira ntetiangi.

Po'unde-unde 44:4

Hangano komba saru ponai dompetorokio wita, ka komba tokiado mompowee ponangia, tendeano kae ngkoana-Miu ka tokia-Miu saru wantano rupa-Miu, hangano Ipemoiko ira.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 32:13

Ipewowolo ira i Burahima, i Saki ka i Isaraeli, ondae tetenaa-Miu atuu. Ndi ondae mesumpa Komiumo ia nee-Miu ka Ipepau, Aku weweuo inulemu kana hadiono anano wula i langi, ka luwuno wita anu Kudandia komu andio Aku weeako ira inulemu, ka dompe'ueo ranta nahina tampulaano.”

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Yesaya 43:4

Hangano omue mentudu ka maramba a pongkita-Ku ka Kupehohawako, onaemo ka Kupeweengakono mia gagi eumu, ka luwuno tongku gagi euno penaamu.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 31:3

Inso olai Ondae i Ue mepopokita ndi onae: Omue Kupehohawaakomu pompehohawa anu nahina tampulaano, onaemo pu'uno Kupotilaloakono pompehohawa-Ku ndi omue.

Yehesikieli 36:22

Onaemo pu'uno, pauako iramo suku Isaraeli: Kanandiomo pau-Do Ue Ala: Komba hangano omiu Kuweweuo, hei suku Isaraeli, sine hangano nee-Ku anu mempori anu imengkokoburutio i olodo luwuno tongku ba isua imelako.

Mika 6:4

Menteeano Ongkuemo anu tumaateko meluarako inso i wita Masiri, motolako inso a raha tepe'ataa ka tumenao i Musa wawako, saru i Haruni ka i Miriami.

Mika 7:20

Po'ineeomo Ipopokitao petenunu-Miu ndi Yako ka pompehohawa-Miu ndi Burahima kana anu Idandiomo saru mesumpa ndi ondae uempu'umami mompu'u i ndi'ipua!

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

Maleaki 1:2

”Kupehohawa komiu,” pau-Do i Ue. Sine mpotae komiu, ’Kana'umpe ke Ipehohawa kami?’ ”Kombake i Esau atuu pepaekompono i Yako?” kanandiomo pau-Do i Ue. ”Kupehohawao i Yako,

I MATIU 11:26

Oo Ama, onaemo anu pinemoiko-Miu.

I LUKASI 1:55

kana anu Dodandiako ira uempu'uto, ndi Burahima ka inuleno ranta nahina tampulaano.”

ROMA 11:28

Mongkona Lele Mawongkoa dome'ewai Ira Ue Ala hangano omiu, sine mongkona pobiniki ondae pinehohawa-Do Ue Ala hangano uempu'u.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 10:15

Sine butu koa ndi ondae uempu'umiu tepadii aroa-Do i Ue, ranta ka Dopehohawa ira, ka omiumo inuledo, anu bininiki-Do inso a luwuno tongku, kana anu gagi kanandio-andio.

Winali 23:6

Asa ntinuwumu si mpompewowoloako ira manangaiado ranta nahina tampulaano.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 4:37

Hangano Dopehohawa ira uempu'umiu ka Dobinikio inuledo, saru roso-Do anu langkai Ondae-Do wawa komiu mpeluarako inso i wita Masiri.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

1 YOHANE 4:19

Mpompehohawa kita, hangano Ondae Ue Ala tese'elu mehohawa kita.

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.