Winali 7:6 - Wunta Mempori

⁶ Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

Winali 7:6 ပူးပေါင်းရင်းမြစ်များ

1 Mokole 3:8

Tetenaa-Miu andio mo'ia i tonga-tongado bawaa-Miu anu Ibiniki iramo, bawaa anu langkai anu nahi pinokodoa ka nahi pinokotasere hadiodo.

Esera 9:2

Hangano ondaedo ka anado, mpokombia iramo ana beinedo mia atuudo, ranta mpesaloomo inuleno anu mempori saru luwuno tongku i wita atuu, ka luwuno anu pinemota'u ka anu pabawa tese'elu mpoweweuo anu nahi penunu.”

Po'unde-unde 114:2

ka Yehuda gagi po'ianga mempori-Do, Isaraeli gagi wita pinabawai-Do.

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Po'unde-unde 50:5

”Wawa iramo ramai mia anu pinehohawa-Ku, anu mowutu pedandia saru Ongkue me'empehiako pesomba sinumbele!”

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Yesaya 41:8

Sine omue, hei Isaraeli, tetenaa-Ku, hei Yako anu bininiki-Ku, inuleno i Burahima anu pinehohawa-Ku;

Yesaya 41:9

omue anu Ku'alakomo inso i tompano tolino ka anu Kupoboikomo inso a luwuno siuno, Kupauakomu, ”Omue tetenaa-Ku, Kubinikikomo ka Kutarimako”;

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Yesaya 62:12

Mia ta pau ira ”tongku mempori”, ”luwuno mia anu tinolosi-Do i Ue”, ka omue kopinau ”anu pinerorohi”, ”kota anu nahi bininta”.

Yeremia 2:3

I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Yehesikieli 20:5

Pauakonomo: Kanandiomo pau-Do Ue Ala: A oleo Kubinikio Isaraeli, mesumpa Aku a inuleno sukuno i Yako ka mepopokita ndi ondae i wita Masiri; mesumpa Aku ndi ondae: Ongkuemo Ue Alamiu!

Imama 20:24

Sine, ndi omiu mepau Akumo: Omiumo anu komiu mpetorokio witado ka Ongkuemo anu weeakomiu kai mpe'ueo, asa wita anu hadio ntu'u susu ka siu hoanino. Ongkuemo Ue, Ue Alamiu anu monsia komiu inso a luwuno tongku susua.

Imama 20:26

Omiu asalakono gagi mempori ndi Ongkue, hangano Ongkue andio Ue, mempori ka Kuponsia komiumo inso a luwuno tongku susua, kai megagi bawaa-Ku.

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Maleaki 3:17

Ondae ira megagi bawaa pinehohawa-Ku a oleo Kupohuku, pau-Do Ueno luwuakoano. Aku mehohawa ira mengkena kana asa mia mompehohawa anano anu mekakaakono.

WINEWEUDO TINENA 13:17

Ondae Ue Alado to Isaraeli andio Dobiniki iramo uempu'uto ka weweuo bawaa atuu gagi langkai, tempono dompo'ia i Masiri gagi mia mehawe. Saru kae-Do anu maramba Dowawa ira mpeluarako inso i wita atuu.

ROMA 9:4

Hangano ondae to Isaraeli, nahi domempinotoro gagi ana, ka mpontarima iramo marambaa, ka luwuno pedandia, ka songka Taura, ka mpesomba, ka luwuno dandi.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Winali 14:21

Si mpongkaa maupo wata ngkoroi maupo hapa, sine moiko iweeako ira mia mehawe ikita miu ka domengkaano ke moiko i me'asao a mia hawe. Hangano, omiumo bawaa anu mempori ndi Ondae i Ue, Ue Alamiu. Si menahuo ana bembe a laro uwoi uono ineno.

Winali 26:18

Oleo andio Dotarima komiumo i Ue nine omiumo bawaa anu pinehohawa-Do, kana anu dinandi-Do ndi omiu, ka asalakono impe'ini a luwuno parenta-Do.

Winali 26:19

Kanandiomo Ira tumande komiu i wawono luwuno tongku anu pinokogagi-Do, ka igagi inunde-unde, tepalele nee ka pinelangkai. Komiu megagi bawaa anu mempori tia-Do i Ue, Ue Alamiu, kana anu dinandi-Do.

Winali 28:9

Ondae i Ue Ira pakosi komiu gagi bawaa-Do anu mempori, kana anu dinandi-Do saru sumpa ndi omiu, tewala mpe'ini komiu a parenta-Do i Ue, Ue Alamiu, ka mentuwu montonda sala anu tiniso-Do.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 4:37

Hangano Dopehohawa ira uempu'umiu ka Dobinikio inuledo, saru roso-Do anu langkai Ondae-Do wawa komiu mpeluarako inso i wita Masiri.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

2 PETURU 2:5

ka tewala Ondae Ue Ala nahi Dopehohawao wawontolino i ndi'upua, sine butu kumaduduio i Noho, pompalele menteea atuu, saru opitu mia susua, tempono Dopokololowio wawontolinodo mia anu mosa'o gaudo;

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.