Winali 7:5 - Wunta Mempori

⁵ Sine kanandiomo asalakono imeweweuo ndi ondae: luwuno pontunuado pesomba impobangkuo, luwuno tugu lahumoado imerawoo, luwuno karuno lahumoado imekansa-kansao, ka luwuno tinaha pesombaado imentunuo kai pingko.

Winali 7:5 ပူးပေါင်းရင်းမြစ်များ

2 Mokole 10:26

Domeluarakono luwuno tuguno raha Ba'ala ka do'amba mentunuo.

1 Tawarika 14:12

To Pelisiti mebintao luwuno pinesombaido i ra'ai. Ka i'amba a mpetenano i Daudi, to Isaraeli mentunuo a api.

2 Tawarika 14:3

Itadio luwuno meda pontunua pesomba susua ka luwuno po'ianga pesombaa, ipuroo luwuno tugu lahumoa, ka merawo-rawoo luwuno karuno lahumoa.

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Peluarakoa 32:20

Umarino atuu i'alao anano sapi anu wineweudo, itunuo kai isao ranta motutu. Ka i'amba rumawoo a wawo uwoi ka itena ira to Isaraeli me'inuo.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yesaya 17:8

onae nahi ta mengkita mbo'u a meda pontunua pesomba wineweuno kaeno onaeno, ka nahi ta mengkita mbo'u a inanggano wunga ngkaeno, a ngkaruno pelahumoaa ka luwuno meda pontunua dupa.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Podoaa 33:52

asalakono imensaari ira luwuno palili i wita atuu inso i aromiu ka imempuroo luwuno watu ngginorido; asalakono imempuroo mbo'u luwuno tinaha tinawado ka imeropuo luwuno pongku wita pesombaado.

Winali 16:21

Si mpopaho keu gagi karuno lahumoa i horino meda pontunua pesomba ndi Ondae i Ue, Ue Alamiu, pontunua pesomba anu komiu meweweuo tiamiu.

Winali 16:22

Osi'i mbo'u impowangu tugu lahumoa, hangano mongkona atuu Do'o'aliaakono i Ue, Ue Alamiu.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Winali 9:21

Sine ana nsapi, anu mokontehala komiu, ku'alao ka kutunuo ia api, ka ku'amba rumawo-rawoo ka kugilio momoiko ranta kai motutu gagi awu. Awuno atuu kupetadiakono a ngkorono anu waa metii inso a ntorukuno.