Winali 7:26 - Wunta Mempori

²⁶ Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

Winali 7:26 ပူးပေါင်းရင်းမြစ်များ

Yesaya 2:20

A oleo atuu lahomoa salaka ka lahumoa wulaa anu wineweu ta pinesombai ira mpetadiakono mia a ntehu ka poneki,

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 41:24

Menteeano, omiu kana nahina ka luwuno wineweumiu mooa; mia anu biniki komiu mokoburu ntu'u.

Yehesikieli 11:18

Umarido mehawe i ra'ai, ira mpoko'olaio luwuno lahumoano ka luwuno wineweu anu mokoburu inso i wita atuu.

Yehesikieli 14:7

Hangano sompo mia, moiko inso a nsuku Isaraeli maupo puu mpebalu-balu anu mo'ia i tonga-tongado to Isaraeli, anu pansia inso ndi Ongkue ka sumu'u ira lahumoano i laro aroano ka monaa i arono watu tetidu, pepu'uano salado, ka i'amba aiwa tepohaweakono nabi ta mo'emaakono pontiso ndi Ongkue, ka Ongkue isa'a, Ue, Aku sumangkio.

Hosea 14:8

Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.

Sakaria 5:4

Kutenaomo totonaa atuu meluarako, kanandiomo pau-Do Ueno luwuakoano, ka ipewinso a laro rahano mia monako ka rahano mia anu mesumpa nahi mentee a nee-Ku, ka merato a rahado saru rumopuo, moiko keu maupo luwuno watuno.”

ROMA 2:22

Omue anu mepau, ”Si ponsosabo,” tembio ka omuemu isa'a monsosabo? Omue anu mokoburuakono luwuno lahumoa, tembio ka omue isa'a morontu a raha mpelahumoaa?

Winali 13:16

Luwuno pinomuru asalakono imepumpuo i tonga-tongano tanalapa. Kota ka luwuno pinomuru atuu asalakono imentunuo kai pingko gagi pesomba tinunu anu soompo ndi Ondae i Ue, Ue Alamiu. Luwuno atuu ta mo'ia mpiha gagi howuno hanga ngkota rinopu ka nahi ta winangu mbo'u.

Winali 13:17

Hapamokoa inso a sangka anu pinesusua ta rinopu atuu si tedanggi a ngkaemiu, ka Dopenaa-naa i Ue inso a ntekuda-Do anu tensila atuu, mopokitao pompehohawa-Do ndi omiu, mokoko'unduakomiu ka mokohadio komiu, kana anu dinandi-Do saru sumpa ndi ondae uempu'umiu.

Winali 13:18

Hangano, imperorongeakono pau-Do i Ue, Ue Alamiu, saru mpe'ini a luwuno parenta-Do, anu kupohaweakomiu a oleo andio, ka mpoweweu hapa anu mentee a pongkita-Do i Ue, Ue Alamiu.