Winali 7:25 - Wunta Mempori

²⁵ Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Winali 7:25 ပူးပေါင်းရင်းမြစ်များ

2 Mokole 23:14

Luwuno tugu pelahumoa ipuro-puroo ka luwuno karuno pelahumoa ituehio, ka i'amba po'ianga atuu buke ihowuiakono wukuno mia.

1 Tawarika 14:12

To Pelisiti mebintao luwuno pinesombaido i ra'ai. Ka i'amba a mpetenano i Daudi, to Isaraeli mentunuo a api.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Peluarakoa 32:20

Umarino atuu i'alao anano sapi anu wineweudo, itunuo kai isao ranta motutu. Ka i'amba rumawoo a wawo uwoi ka itena ira to Isaraeli me'inuo.

Peluarakoa 8:26

Sine ipotae i Musa, ”Nahi moiko kami mpoweweu kanatuu, nde pesomba anu kami mpesombaako ndi Ondae i Ue, Ue Ala mami, onaemo anu mokoburudo to Masiri. Tewala kami mpopesombaako i arodo, pesomba anu gagi mokoburudo to Masiri nde nahi ira mewunoakami watu?

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 41:24

Menteeano, omiu kana nahina ka luwuno wineweumiu mooa; mia anu biniki komiu mokoburu ntu'u.

Imama 13:52

Asalakono itunuo sangka atuu, bana mentadeano ke montoweano, wulu bimba ke lena ke maupo hapamokoa inso a ngkuli anu hinao tondonino atuu, hangano haki atuu haki ngkuli mesaki anu mongkokongiri. Luwuno atuu asalakono tinunu kai pingko.

Imama 19:4

Si mpewolili a luwuno lahumoa, ka si mpoweweu pesombaamiu susua anu tinawa. Ongkuemo Ue, Ue Alamiu.

Sepanya 1:3

Aku rumoahio mia ka pinotuwu; Aku rumoahio luwuno manu-manu a laro meene ka bou a ntahi. Aku dumontai ira mia anu nahi tondao parenta-Ku ka mokotampulao mia inso i wawontolino, kanandiomo pau-Do i Ue.

Winali 12:3

Meda pontunua pesombado asalakono impobangkuo, luwuno tugu lahumoado imempurokio, luwuno karu lahumoado imentunuo luwu, luwuno tinaha anu pinesombaido i mperawo-rawo ira, ka needo imempahihio inso a mpo'ianga atuu.

Winali 13:16

Luwuno pinomuru asalakono imepumpuo i tonga-tongano tanalapa. Kota ka luwuno pinomuru atuu asalakono imentunuo kai pingko gagi pesomba tinunu anu soompo ndi Ondae i Ue, Ue Alamiu. Luwuno atuu ta mo'ia mpiha gagi howuno hanga ngkota rinopu ka nahi ta winangu mbo'u.

Winali 17:1

”Si mpesombaakono ndi Ondae i Ue, Ue Alamiu, sapi ke bimba anu hinao tataano, ke maupo hapa anu nahi moiko. Hangano anu kanatuu onaemo mokoburu-Do i Ue, Ue Alamiu.”

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Winali 27:15

’Tetotonaaomo mia anu moweweu tinaha pina'o ke tinaha tinawa, aasa mokoburu-Do i Ue, wineweuno kaeno asa mia puu mpo'angga, ka montadeo mewuni-wuni.’ Luwuno tongku atuu, asalakono mpotae, ’Ami!’

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 7:5

Sine kanandiomo asalakono imeweweuo ndi ondae: luwuno pontunuado pesomba impobangkuo, luwuno tugu lahumoado imerawoo, luwuno karuno lahumoado imekansa-kansao, ka luwuno tinaha pesombaado imentunuo kai pingko.

Yosua 7:1

Sine to Isaraeli baliomo aroado nde mpo'ala ira sangka anu dome'inontoako, hangano i Akani anano i Karimi, anano i Sabadi, anano i Sera, inso ia nto Yehuda mpo'ala ira sangka anu dome'inontoako. Tekuda iramo Ondae i Ue a nto Isaraeli.

Yosua 7:21

Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”

MENGKAAA 17:5

Ka a ra'ino teburi aasa nee, aasa rahasia, ”Babeli langkai, inedo beine mebelesu ka inso a mokoburuno tolino.”