Winali 7:24 - Wunta Mempori

²⁴ Luwuno mokoledo ira mempineweengako a ngkaemiu ka needo komiu mempahihio inso i wawontolino. Nahi ta hina anu polio mekorahako umaropi komiu, ranta ka imeropu ira.

Winali 7:24 ပူးပေါင်းရင်းမြစ်များ

Po'unde-unde 9:5

Hangano Omiu umalaakono kara-karaku ka tiaku, Omiu mentoro a wawo ngkadera poparentaa gagi puu mpobitara anu moleo.

Peluarakoa 17:14

Mepau Ira i Ue ndi Musa, ”Luwuno andio burio a wunta kai gagi pepopoto'ori, ka poporongeakono i Yosua, nine Aku umoninio pinewowolodo mongkona to Amale inso i wawo ntolino.”

Powadi 10:7

Rambeano mia mentee mowawa ronso, sine neeno mia mosa'o gauno gagi mosa'o.

Yesaya 54:17

Sompo parewa mpetea anu linabu umewaiko nahi ta mehasili, ka sompo mia anu tumuluriko a laro mpobitaraa, komokomengkaao onae sala. Onaemo tiado tetenaa-Do i Ue ka menteea anu tinarimado inso ndi Ongkue, kanandiomo pau-Do i Ue.

Yeremia 10:11

Kanandiomo asalakono imempauakono, ”Luwuno pinesombai andio, anu nahi pompokogagi langi ka tolino ta moliu inso i tolino ka inso i totono langi.”

Sepanya 1:4

Aku tumaangakono kae-Ku ndi Yehuda ka luwuno palilino Yerusale. Aku mokotampulao inso a mpo'ianga andio luwuno toreano Baala ka neeno sando mpesomba lahumoa i olodo luwuno sando mpesomba.

ROMA 8:37

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

1 KORINTI 15:57

Sine inunde-unde Iramo Ue Ala, anu moweeakitamo poponangia hangano Ondae i Yesu Kerisituu, Ueto.

Winali 11:25

Nahina anu ta polio mekorahako umaropi komiu. Ondae i Ue, Ue Alamiu Ira weweuo luwuno wita anu linandamiu atuu gagi mpondende ka doito ndi omiu, kana anu dinandi-Do i Ue ndi omiu.

Winali 25:19

Tewala Dopoweeakomu i Ue, Ue Alamu rodoa inso a luwuno iwali petengi-tengimu i wita anu Doweeako i Ue, Ue Alamu, kai mpe'ueo gagi tia pusakamu, asalakono oninio pinewowolo ndi Amale inso i totono langi. Sikolupeo!

Winali 29:20

Ondae i Ue nahi Ira umampunio mia atuu. Tekuda ka monsiri-Do i Ue ta tensila ndi onae i tempo atuu. Luwuno sumpa anu teburi a wunta songka andio ta umaluo, ka Ira umoninio i Ue neeno inso i totono langi.

Winali 9:14

Po'ineemo Aku rumopu ira ka pahihio needo inso i wawontolino. Sine, omue Aku mokogagio aasa tongku anu lalu pabawa ka lalu hadio sekonopo ondae.”

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 10:23

Kanatuumo domeweweuo mia tinena atuu. Doluarako ira olima mokole atuu inso ia laro aa, ka dowawa ira ndi onae: Mokole Yerusale, mokole Hebero, mokole Yaramu, mokole Lakisi ka mokole Egelo.

Yosua 10:40

Kanandiomo i Yosua numangio luwuno wita atuu, Mentorukuno, wita Nege, Sipela ka korimbino ka luwuno mokoledo. Nahina maupo te'asa mia anu tepotola, sine luwudo anu hinao penaano dopepate ira, kana anu Dotenaako ira i Ue, Ue Alado to Isaraeli.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 11:17

mompu'u inso ia ntorukuno Gundu, anu morake lumako i Seiri, hawe i Baala-Gadi i lembono torukuno Libano, ia pu'uno torukuno Heremoni. Irako ira luwu mokoledo ka ipepate ira.

Yosua 12:24

mokole wita Tirisa, aasa. Gagi luwuno mokole atuu tolu pulu ka asa mia.

Yosua 21:44

Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

Yosua 23:3

Imengkitaomo luwuno anu wineweu-Do i Ue, Ue Alamiu, ia luwuno tongku i ndi'ai hangano omiu, nde Ondae i Ue, Alamu, Ondae anu me'iwaliakomiu.

Yosua 23:9

Dosaari iramo i Ue inso i aromiu luwuno tongku anu langkai ka moroso atuu. Ka omiu nahina mau te'asa mia anu moko'aropi komiu ranta oleo andio.

Yosua 6:2

Mepau Iramo i Ue ndi Yosua, ”Kitaomo, Aku moweeko inia Yeriko saru mokoleno ka pongkiarino anu moroso ntu'u.