Winali 7:21 - Wunta Mempori

²¹ Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 7:21 ပူးပေါင်းရင်းမြစ်များ

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:5

Hinao asa korono, luwuno waaano mokonsanaao kota-Do Ue Ala, po'ianga mempori-Do Anu Tedoa Mempori.

Po'unde-unde 46:6

Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 68:35

Mangakuakonomo pabawa-Do Ue Ala; maramba-Do kongko i wawono Isaraeli, pabawa-Do humaweo luwuno seru.

Po'unde-unde 89:8

Ondae Ue Ala atuu mongkokongiri i olodo anu mempori, maramba ka mongkokodoito lumaloio luwuno anu kongko a mpehori-hori-Do.

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Peluarakoa 29:45

Aku mo'ia i olodo to Isaraeli ka Aku gagi Ue Alado.

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Podoaa 13:9

inso a nsuku Benami: i Paliti anano i Rapu;

Podoaa 14:14

ka iramo mentutuluo a mpalili i wita andio. Kahinaano luwuno mia andio domerongeomo nine Omiu Ue, kongko i tonga-tongado tongku andio, nine Omiu Ue mepopokita Komiu ndi ondae saru ntepopo'aro rupa, ka nine seru-Miu mentade i wawodo saru Omiu melempa mese'elungi ira a laro nseru i tempono meene ka a laro api i tempono wongi.

Podoaa 14:42

Siimo imelako, hangano Ondae i Ue nahi Ira kongko i tonga-tongamiu, kasi donangi komiu iwalimiu.

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

Podoaa 16:3

Domelimbuo i Musa ka i Haruni, saru mpotae ndi ondae, ”Lansara komiumo! Luwuno bawaa atuu mia memempori, ka Ondae i Ue kongko i tonga-tongado. Tembio ka ipompelangka-langkai a bawaa-Do i Ue?”

Podoaa 21:34

Sine, mepau Ira i Ue ndi Musa, ”Siimo doitoakono, hangano Aku meweengakono saru luwuno palilino ka witano a ngkaemu. Asalakono weweuo ndi onae kana anu wineweumu ndi Sihoni mokoledo to Amori anu mo'ia i kota Hesiboni.”

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

Podoaa 9:20

Eheano butu ba'opia oleo seru atuu i wawono Kema Mempori; a mpetena-Do i Ue dompekema ka a mpetena-Do koa mbo'u i Ue dompelungka.

1 KORINTI 14:25

Luwuno anu tewuni i laro aroano ta gagi mengkaa, onaemo ka ta menggolontu mesombai Ira Ue Ala ka mangaku, ”Mentee ntu'u, Ondae Ue Ala kongko Ira i tonga-tongamiu.”

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 25:8

Ka i'amba mia memota'u i kotano, asalakono mpoboio mia atuu ka mpepau saru onae. Tewala kanatuu mpiha sangkino, ka ipotae, ”Nahi kubehe umalao gagi beineku,”

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Yosua 8:1

Mepau Iramo Ondae i Ue ndi Yosua, ”Sidoito kasi molusa aroamu. Wawa iramo luwuno sorodadu, impepatinda, imelako i kota Ai. Ka uto'orio, Aku meweengakono ndi omiu i kota Ai, mokoleno, palilino,

1 Samueli 4:8

Memasola kitamo! Isema ta polio motola kita inso a ngkae-Do Ue Ala anu mongkokongiri andio? Ondaemo andio Ue Ala anu humuku ira to Masiri mperupa-rupa pohuku i pada one.