Winali 7:19 - Wunta Mempori

¹⁹ Imengkitaakonomo matamiu luwuno po'ara-arahako langkai, luwuno petondoni ka anu mengkinohali-haliako, kae anu moroso ka tokia tetande anu pinake-Do i Ue, Ue Alamiu, wawa komiu mpeluarako. Kanatuumo mbo'u Ira weweuo i Ue, Ue Alamiu a luwuno tongku anu dinoitoakomiu.

Winali 7:19 ပူးပေါင်းရင်းမြစ်များ

Po'unde-unde 136:12

saru kae-Do anu moroso ka tokia tetande! Menteeano ranta nahina tampulaano pompehohawa-Do.

Po'unde-unde 44:4

Hangano komba saru ponai dompetorokio wita, ka komba tokiado mompowee ponangia, tendeano kae ngkoana-Miu ka tokia-Miu saru wantano rupa-Miu, hangano Ipemoiko ira.

Po'unde-unde 77:12

Aku rumambeo luwuno wineweu-Do i Ue, oo, aku rumambeo luwuno wineweu-Miu anu kinohali-haliako inso a tempo se'eluno.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Winali 29:3

Imengkitaakonomo matamiu isa'a luwuno po'ara-arahako anu langkai, luwuno petondoni ka luwuno anu mengkinohali-haliako anu langkai atuu.

Winali 3:21

Ndi Yosua kuparentao i tempo atuu, kanandio, ”Ukitaakonomo matamu luwuno anu wineweu-Do i Ue, Ue Alamu, ndi orua mokole atuu. Kanandiomo anu ta wineweu-Do i Ue a luwuno poparentaa, ba isua ulako.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Yosua 10:25

Mepauomo i Yosua ndi ondae, ”Sii medoito, ka kasi molusa aroa miu, impokomorosoo ka impedatoo aroa miu, nde kanatuumo ba Doweweuo i Ue ia luwuno iwali miu anu impeteaako ira.”

Yosua 24:17

Nde Ondae i Ue, Ue Alato, Ondaemo anu wawa kita ka uempu'uto mpeluarako inso i wita Masiri, wita tepe'ataa ka moweweu anu tedoa kinohali-haliako andio i'aroto. Ondaemo anu kumongkomi kita ia pelempaato ka ia luwuno tongku anu linaloto.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.