Winali 7:18 - Wunta Mempori

¹⁸ Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 7:18 ပူးပေါင်းရင်းမြစ်များ

Po'unde-unde 105:5

Rambeomo luwuno poweweu kinohali-haliako anu wineweu-Do, luwuno wineweu-Do anu kinohali-haliako ka pomputusi-Do anu pinau-Do,

Po'unde-unde 77:11

Onaemo ka kupotae, ”Onaemo andio anu dumuhuo ateku, nine kae ngkoana-Do Anu Tedoa Mantande baali.”

Po'unde-unde 77:12

Aku rumambeo luwuno wineweu-Do i Ue, oo, aku rumambeo luwuno wineweu-Miu anu kinohali-haliako inso a tempo se'eluno.

Po'unde-unde 78:11

Domengkolupeo luwuno inangga ka wineweu-Do anu kinohali-haliako, anu Dopopokitaomo ndi ondae.

Podoaa 13:9

inso a nsuku Benami: i Paliti anano i Rapu;

Podoaa 21:34

Sine, mepau Ira i Ue ndi Musa, ”Siimo doitoakono, hangano Aku meweengakono saru luwuno palilino ka witano a ngkaemu. Asalakono weweuo ndi onae kana anu wineweumu ndi Sihoni mokoledo to Amori anu mo'ia i kota Hesiboni.”

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 1:29

Umarino atuu mepau aku ndi omiu, ”Si mpondende kasi medoitoako ira.

Winali 1:30

Ondae i Ue, Ue Alamiu melempa i aromiu. Ondaemo anu ta meteaakomiu, mengkena kana anu wineweu-Do ndi omiu i wita Masiri i arono matamiu,

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 3:6

Tomeropu ira luwuno palilino, kana anu wineweuto ndi Sihoni, mokole i Hesiboni, saru rumopu ira palili sompo kota: tama, beine ka nana'ote.

Winali 31:5

Ondae i Ue Ira meweengako ira ndi omiu ka omiu asalakono weweuo ndi ondae mongkona ntu'u kanaparenta anu kupohaweakomu.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Yosua 8:1

Mepau Iramo Ondae i Ue ndi Yosua, ”Sidoito kasi molusa aroamu. Wawa iramo luwuno sorodadu, impepatinda, imelako i kota Ai. Ka uto'orio, Aku meweengakono ndi omiu i kota Ai, mokoleno, palilino,

Puu Mpobitara 6:13

Sumangki i Gideo ndi Ondae, ”Tabeamiu, Ue, ba Ondae i Ue kumongkomi kami, tembio ka luwuakoano andio umalu kami? Isua ke luwuakoano wineweu-Do anu kinohali-haliako mami, kana dotutuluakami ue mpu'u mami ndi omami, dompotae: Nde komba Ondae i Ue ke anu kumongkomi kita meluarako te'inso i wita Masiri? Sine kanandio Ondae i Ue Dobinta kami ka Dopeweengako kami ia ngkaedo to Midia.”