Winali 7:16 - Wunta Mempori

¹⁶ Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 7:16 ပူးပေါင်းရင်းမြစ်များ

Po'unde-unde 106:34

Nahi domeropu ira luwuno tongku, kana anu Doparentaako ira i Ue,

Po'unde-unde 106:36

Ondae mpesomba a lahumoado luwuno tongku, anu gagi pete'umalaado.

Peluarakoa 23:33

Ondae nahi ira mpo'ia mpiha i wita miu, kasi dompokontehala komiu ndi Ongkue, hangano mpesomba a lahumoado, nde anu kanarau gagi winggaro ndi omiu.”

Yeremia 21:7

Umarino atuu, i Sedekia, mokoledo to Yehuda, ka luwuno pegawaino saru palilino kota andio, anu tola inso a haki lele, ponai ka mokoninggoa, Aku meweengako ira a ngkaeno i Nebukanesa, mokole i Babeli, kanandiomo pau-Do i Ue, a ngkaeno iwalido anu momporaakono penaado. Mia ta mepateako ira mata mponai nahina pompehohawa, nahina mokoko'undu ka nahina ampu.

Podoaa 33:55

Sine tewala nahi mensaario palilino wita atuu inso i aromiu, luwuno mia anu pino'ineemiu tuwu inso ndi ondae, ta gagi kana siba a matamiu ka kana rui anu dumuhuo horimiu, ka ira mensapoikomiu i wita po'iangamiu atuu.

1 KORINTI 15:33

Si ntepopo'oo: Mompewali-waliako anu mosa'o sumosa'orio gau anu moiko.

Winali 13:8

Si ntenangi ndi onae ka si perorongeakono. Si mokoko'unduakono, si pehohawao ka si mentutuwio salano,

Winali 13:9

sine impepateomo! Amba-ambano kaemu omuemu anu melelu komepateo, ka i'amba kaedo luwuno palili.

Winali 19:13

Si haweako aroamiu mpehohawao. Kanatuumo imempahihio reano mia anu nahina salano inso i Isaraeli, kai moikokoa imentuwu.

Winali 19:21

Si haweako aroa pompehohawamiu, hangano pinolempa songka: penaa me'eu penaa, mata me'eu mata, ngisi me'eu ngisi kae me'eu kae, karu me'eu karu.

Winali 25:12

asalakono kau totopio kaeno beine atuu. Si pehohawao.

Winali 7:2

Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Yosua 11:20

Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.

Puu Mpobitara 2:3

Onaemo ka Kupepau mbo'u: Komba Aku sumaari ira mia atuudo te'inso i aromiu, ranta ka domegagi iwalimiu ka anu pinesombaido ta gagi ohomiu.”

Puu Mpobitara 3:6

To Isaraeli mpo'ala ira ana beinedo gagi kombiado ka dompeweengakono ana beinedo ia ana ntamado mia atuu, ka dompesomba a lahumoado.

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.