Winali 7:13 - Wunta Mempori

¹³ Ira mehohawa komiu, rumonso komiu, ka mokohadio komiu. Ira rumonsoo inulemiu ka hasilino witamiu, gandu ka anggoro saru lanamiu, ana nsapimiu, ka asa bawaa ana bembe bimbamiu, i wita anu dinandi-Do saru sumpa ndi ondae uempu'umiu Ira weeakomiu.

Winali 7:13 ပူးပေါင်းရင်းမြစ်များ

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Ayubi 1:10

Kombake Omiu anu moweweu wala lumimbuo ka somborino saru luwuno anu pine'ueno? Hapa anu inanggano Ironsoomo ka hapa anu pine'ueno koteti-tetiangino i wita atuu.

Ayubi 42:12

Ondae i Ue rumonsoo i Ayubi a laro ntumuwuno lembuino laluaopo sekono tuwuno anu i ndi'ipua. Onae mohawe hopulu ka opaa nsowu bembe bimba, nomo nsowu unta, asa nsowu pasa sapi, ka asa nsowu kalide waino.

Po'unde-unde 1:3

Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Po'unde-unde 107:38

Doronso ira onaemo ka dontetiangi hadio ntu'u, ka luwuno pinotuwudo Doweweuo nahi makura.

Po'unde-unde 11:7

Hangano Ondae i Ue atuu moleo ka Dopehohawao moleoa; mia anu bobotoli aroano ta kumitao rupa-Do.

Po'unde-unde 127:3

Menteeano, nana'ote onaemo tia pusaka-Do i Ue, ka wua mpe'anakaa onaemo tambo.

Po'unde-unde 146:8

Ondae i Ue umungkahio matano mia anu morawu, Ondae i Ue mokomorosoo mia anu tetuundu telusa, Ondae i Ue mehohawao mia mentee.

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Powadi 10:22

Poronso-Domo i Ue anu mompokogagi kaea, pe'isei nahi ta tumiangio.

Powadi 15:9

Pesalaano mia mosa'o gauno mokoburu-Do i Ue, sine isema mo'ungke menteea, Dopehohawao.

Imama 26:9

Aku mewolili ndi omiu ka weweu komiu mpe'ana'ue saru tetiangi hadio, ka mokorosoo pedandia-Ku saru omiu.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

I YOHANE 15:10

Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.

I YOHANE 16:27

nde Dopehohawa komiu i Ama, hangano impehohawa Akumo ka mpe'ala-alao nine Ongkue hawe inso ndi Ondae Ue Ala.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 13:17

Hapamokoa inso a sangka anu pinesusua ta rinopu atuu si tedanggi a ngkaemiu, ka Dopenaa-naa i Ue inso a ntekuda-Do anu tensila atuu, mopokitao pompehohawa-Do ndi omiu, mokoko'unduakomiu ka mokohadio komiu, kana anu dinandi-Do saru sumpa ndi ondae uempu'umiu.

Winali 28:1

Tewala mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta-Do anu kupohaweakomiu a oleo andio, manasa Ondae i Ue, Ue Alamiu, Ira tumande komiu i wawono luwuno tongku i tolino.

Winali 28:11

Ondae mbo'u i Ue Ira mokohadioo ntu'u moikoa a laro mpe'anakaamiu, hasilino pinotuwumiu ka hasilino witamiu, i wita anu dinandi-Do i Ue saru sumpa ndi ondae uempu'umiu Ira weeakomiu.

Winali 30:5

Ondae i Ue, Ue Alamu Ira wawakomiu mpewinso i wita anu pine'uedo uempu'umu ka komiu mpe'ueo mbo'u. Ira moweweu moiko ndi omue ka weweu komiu mehadio lumaloi ira uempu'umu.

Winali 7:7

Komba hangano doamiu lalu hadio inso a tongku isuamo koa, aroa-Do i Ue tepadii ndi omiu ka dobiniki komiu. Kombake omiu andio anu lalu kodei inso a luwuno tongku?