Winali 6:7 - Wunta Mempori

⁷ Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

Winali 6:7 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Ayubi 8:10

Komba ondaeke anu asalakono mempaguruko ka mepau ndi omue, saru mpoluarako pau inso a mpinewowolodo anu molino?

Po'unde-unde 119:13

Saru wiwiku kupopowali-walio luwuno songka anu pinau-Miu.

Po'unde-unde 119:46

Aku mepau mongkona luwuno pepopoto'ori-Miu i arodo luwuno mokole, ka nahi aku mokoko'ii.

Po'unde-unde 129:8

ranta luwuno mia anu telalo nahi ta motae, ”Poronso-Do i Ue ndi omiu! Omami rumonso komiu a nee-Do i Ue!”

Po'unde-unde 37:30

Ngangano mia mentee mompau ponto'ori anu mentee, ka elono mompopau songka;

Po'unde-unde 71:17

Oo Ue Ala, Ipaguru akumo mompu'u tempo kumongura, ka hawe kanandio-andio kupaleleo wineweu-Miu anu kinohali-haliako;

Powadi 10:21

Wiwino mia mentee mompakambi hadio mia, sine mia benge-benge mate hangano nahi pompewowolo molino.

Powadi 15:2

Elono mia pande mosongka moluarako ponto'ori anu momoiko, sine ngangano mia monge-monge mo'uwu benge-bengea.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 6:22

Tempono upelempa, onae ta wawako, tempono upepombole, onae ta dumagaiko, tempono upewangu, onae ta kumuahakomu.

Yesaya 38:19

Sine mia anu tuwu, oo butu koa mia tuwu anu moko'unde-unde komiu, kana ongkue oleo ndio; petenunu-Miu ipauakono ama a luwuno anano.

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

I MATIU 12:35

Mia anu moiko moluarako luwuno anu moiko inso i larono anu moiko ka mia anu mosa'o moluarako luwuno anu mosa'o inso i larono anu mosa'o.

I LUKASI 6:45

Mia anu moiko moluarako anu moiko inso i laro aroano anu moiko ka mia anu mosa'o moluarako anu mosa'o inso i larono anu mosa'o. Hangano anu pinauno wiwino, lulua inso i aroano.”

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

EPESU 6:4

Ka omiu, luwuno ama, si mpokontekuda ira anamiu, sine imempaguru iramo a pompaguru ka patudu-Do i Ue.

Winali 11:19

Asalakono imempaguruako ira anamiu saru mempopauo ba impentoro i rahamiu ka ba kontongaamiu pelempa, ba mpepombole komiu ka ba impewangu.

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

KOLOSE 4:6

Po'ineeomo luwuno paumiu ka ibukeako koa mpiha pompehohawa, si motewe, ranta ka imento'orio, ba kana'umpe asalakono imesangki ira mia.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

Ruti 2:12

Ondae i Ue anu sumuloo wineweumu atuu, ka Dopoweeakomu tambo te'inso ndi Ondae i Ue, Ue Alado to Isaraeli, anu i totono pani-Do haweko mepetulungi.”

Ruti 2:4

Haweomo i Boasi inso i Beteleme. Mepauomo ia mia mensowi, ”Ondae i Ue kumongkomi komiu.” Domesangkio, ”Ondae i Ue kumongkomi komiu.”

Ruti 4:11

Ka luwudo mia anu mehawe ia mpewowa inia atuu, ka mia memota'u mpotae ira, ”Omamimo gagi sakosii. Ondae i Ue Ira weweuo beine anu ta mewinso i rahamu atuu, kana i Raheli ka i Lea, anu wanguo tongku Isaraeli. Po'ineomo ka ugagi manangai i Eparata, po'ineomo neemu telele i Beteleme,