Winali 6:4 - Wunta Mempori

⁴ Imerongeomo, hei to Isaraeli: Ondaemo i Ue, Ue Alato, Ondae i Ue atuu aasa!

Winali 6:4 ပူးပေါင်းရင်းမြစ်များ

1 Mokole 18:21

I Elia rumangkuhi ira luwuno palili atuu ka ipotae, ”Hawe te'ipia mbo'u me'orua laro? Tewala Ondae i Ue atuu Ue Ala, imentonda Ira, tewala Baala, imentondao,” Sine palili nahi domesangki maupo te'asa mpali pau.

2 Mokole 19:5

Mansado mehawe pegawaino mokole Hisikia ndi Yesaya,

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

2 Tawarika 17:9

Ondae mpompaguru i Yehuda saru mpowawa wunta Taura-Do i Ue. Domesompoo luwuno kota i Yehuda ka paguru ira palili.

Nehemia 9:6

”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Po'unde-unde 78:5

Pompakosi Doluarakono ndi Yako ka Taura-Do Dopeweengakono a tongku Isaraeli; uempu'uto Doparenta ira ka dopopoto'oriako ira anado,

Po'unde-unde 86:10

Hangano langkai Komiu ka weweu ira anu mengkinohali-haliako, butu koa Omiu Ue Ala.

Yesaya 42:8

Ongkue Ue, onaemo nee-Ku; nahi Kupeweengakono maramba-Ku a nsusuaano ke telele-Ku a ntinaha.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

I LUKASI 10:27

Sumangki mia atuu, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano rosomu ka tompaano pinewowolomu, ka pehohawaomo pe'asa miamu kana koroimu.”

I YOHANE 10:30

Ongkue ka Ondae i Ama aasa koa.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

ROMA 3:30

Pengkonaano, tewala hinao aasa Ue Ala, anu mokomenteeo moiko mia mpetindi hangano pompe'ala-ala, maupo mia mbo'u anu nahi petindi hangano pompe'ala-ala.

EPESU 4:6

aasa Ue Ala ka Amado luwuno, Ondae Ue Ala anu i wawono luwuno ka hangano luwuno ka i larono luwuno.

Winali 4:39

Onaemo pu'uno imento'oriomo a oleo andio ka impekokoongakono, nine Ondaemo i Ue, Ue Ala anu i langi i wawono ka i tolino i totono, nahina anu susua.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

YAKOBU 2:19

Upe'ala-alao, nine butu koa asa-asa-Do Ue Ala? Moiko atuu! Sine maupo onitu dompe'ala-alao koa mbo'u mongkona atuu ka mpondidi-ndidi ira.