Winali 6:24 - Wunta Mempori

²⁴ Ondae i Ue parenta kita ka tomeweweuo luwuno pompakosi atuu ka doitoako Ira i Ue, Ue Alato, ka imoiko mpiha tumuwuto ka Dopo'inee kita tuwu, kana oleo andio.

Winali 6:24 ပူးပေါင်းရင်းမြစ်များ

Po'unde-unde 41:2

Me'uraomo mia anu merioo mia molema! Ondae i Ue Ira motolao a oleo masola.

Po'unde-unde 41:3

Ondae i Ue Ira kumaduduio ka mekariao penaano, onaemo ka ipinau me'ura i tolino; nahi Komiu mo'ineeo ipineweengako a iwali!

Po'unde-unde 66:9

Ondae weweu kami kongko mentuwu ka nahi po'ineeo karumami telelu.

Peluarakoa 20:20

Sine ipotaeako ira i Musa tongku atuu, ”Si medoito, nde hawe-Do Ue Ala aiwa umarahako komiu ka dumoitoako Ira kongko mpiha a laro matamu ka simpoweweu hala.”

Powadi 22:4

Tambono me'urumako ka doitoako Ira i Ue onaemo kaeaa, pompelangkai, ka tuwua.

Powadi 9:12

Tewala omue pande mosongka, pandemu mosongka atuu tiamu omuemu, tewala omue mompasinggiri, omue isa'a anu kotumembio.

Yesaya 3:10

Pauako iramo mia mentee, moiko ntu'u teweweudo a lembuiano, hangano ira mpongkaa hasilino inanggado.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I LUKASI 10:28

Dopotaeakono i Yesu, ”Sangkimu atuu mentee, weweuomo kanatuu, asalakono kotuwu.”

ROMA 10:5

Nde iburio i Musa mongkona menteea hangano songka Taura, ”Mia anu meleluakono, ta tuwuako onae.”

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:4

sekono omiu anu mpe'ini ndi Ondae i Ue, Ue Alamiu da mentuwu a oleo andio.

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Winali 6:23

Sine, Dowawa kita mpeluarako inso i ra'ai, ka Dowawa kita mpewinso Ira weeakita wita anu Dodandiomo saru sumpa ndi ondae uempu'uto.

Winali 8:1

”Luwuno parenta anu kupohaweakomiu a oleo andio, asalakono impetenunu meweweuo, kai mentuwu ka ntetiangi hadio ka impewinso saru mpetorokio wita anu dinandi-Do i Ue saru sumpa ndi ondae uempu'umiu.

Winali 8:3

Gagi Doweweu komiu mpe'urumako, mo'inee komiu memokoninggo ka Dopakaa komiu mana anu nahi imento'orio ka anu nahi domento'orio mbo'u uempu'umiu, Ira weweu komiu kai mento'orio, nine mia mentuwu komba butu inso a roti, sine mia mentuwu inso a luwuno anu pinau-Do i Ue.