Winali 6:2 - Wunta Mempori

² Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Winali 6:2 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Tegagia 22:12

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

1 Mokole 8:40

ranta ka domedoitoako-Miu asa ntinuwudo i wawo wita anu Iweeako iramo uempu'u mami.

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Po'unde-unde 111:10

Pompu'uano ponto'ori anu mentee onaemo doitoako Ira i Ue, luwuno mia anu weweuo mohawe pokonto'ori anu moiko. Po'unde-unde ndi Ondae nahi bali ranta nahina tampulaano.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Po'unde-unde 91:16

Saru tinuwu melai Aku mokomowohiakono, ka Aku mopokitao ndi onae tekadudui inso ndi Ongkue.”

Peluarakoa 20:12

Pelangkai ira amamu ka inemu, kai melai tinuwumu a wita anu Doweeakomu i Ue, Ue Alamu ndi omue.

Peluarakoa 20:20

Sine ipotaeako ira i Musa tongku atuu, ”Si medoito, nde hawe-Do Ue Ala aiwa umarahako komiu ka dumoitoako Ira kongko mpiha a laro matamu ka simpoweweu hala.”

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 3:16

Tuwu melai kongko a ngkae koanamu, a ngkae manggalimu kaeaa ka pompelangkai.

Powadi 9:11

Hangano, ongkue tinuwumu pinokomelai, ka luwuno ta'u tuwumu tiniangi.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

I LUKASI 12:5

Aku koa tumisoakomiu isemake anu asalakono imedoitoako Ira. Imedoitoako Iramo, anu umari mompepate, hinao pabawa mompetadiako mia a laro naraka. Menteeano Kupauakomiu, imedoitoako Iramo!

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 11:9

ka imelai tinuwumiu i wita anu dinandi-Do i Ue saru sumpa ndi ondae uempu'umiu ka Doweeako ira ka a inuledo, asa wita anu hadio ntu'u susu ka siu hoanino.

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 15:5

polomo koa kai mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta anu kupohaweakomiu a oleo andio.

Winali 22:7

Moikoano ineno atuu, asalakono impotolao, sine anano moiko ime'alao. Tinoono, kai moiko imentuwu ka melai tinuwumiu.

Winali 30:19

Aku moboio langi ka tolino gagi sakosii ndi omiu oleo andio: Kupo'aroakomu tuwua ka matea, ronso ka totonaa. Binikiomo tuwua, ka imentuwumoiko omiu maupo inulemu,

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 4:10

Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 5:16

Pelangkai ira amamu ka inemu, kana anu Doparentaa komiu i Ue, Ue Alamiu, ka imelai tinuwumiu ka moiko tumuwumiu i wita anu Doweeakomiu i Ue, Ue Alamiu.

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:24

Ondae i Ue parenta kita ka tomeweweuo luwuno pompakosi atuu ka doitoako Ira i Ue, Ue Alato, ka imoiko mpiha tumuwuto ka Dopo'inee kita tuwu, kana oleo andio.

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

Yosua 4:24

ka domento'orio luwuno mia i tolino, motae moroso kae-Do i Ue, ka domedoito mpiha ndi Ondae i Ue, Ue Alamiu”

1 PETURU 1:17

Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.