Winali 6:13 - Wunta Mempori

¹³ Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

Winali 6:13 ပူးပေါင်းရင်းမြစ်များ

Tegagia 24:3

ka kupo'ala sumpamu a nee-Do i Ue, Ue Alano asa wawo langi ka tolino, nine nahi komo'alaakono anaku beineno inso i olono ana beinedo to Kana'a i olono po'iangaku.

2 Mokole 17:36

Sine asalakono impesombamo ndi Ondae i Ue, anu tumaateakomiu roso langkai ka kae anu tetande inso i wita Masiri. Asalakono impenggolontu mpesombai Ira ka mpopesombaako pesomba ndi Ondae.

Po'unde-unde 15:4

anu me'uru-uruo mia anu tekona ipine'uru-uru, sine melangkaio mia anu doitoako Ira i Ue; anu me'ini a sumpa, maupo rugi;

Po'unde-unde 63:11

Ira mempineweengako a mata mponai, ira megagi kaangado dahu a ntobu.

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Yesaya 45:23

Anee-Ku Ongkue-Ku mesumpa Akumo, inso a nganga-Ku meluarakoomo menteea, asa pau anu nahi ta pinokompokule mbo'u, ’Luwuno ira mpenggolontu i aro-Ku, ka luwuno elo mpesumpa mpetenunu anee-Ku,

Yesaya 48:1

Rongeomo pau andio, hei suku inuleno i Yako, anu pinewuaako nee Isaraeli anu mepu'u inso a inuleno i Yehuda, anu mesumpa a nee-Do i Ue ka umakuio Ue Alado to Isaraeli, sine nahi a menteeano ntu'u ka moleo aroa.

Yesaya 65:16

mia anu ta mohawe ronso i wita andio, ta mo'ema ronso me'empehiako Ondae Ue Ala anu mentee, ka mia anu ta mesumpa i wita andio, ta mesumpa me'empehiako Ondae Ue Ala anu mentee, hangano luwuno ma'isoa anu i ndi'ipua kinolupeomo, ka tewuniomo inso a pongkita-Ku.”

Yeremia 12:16

Tewala mentee ntu'u dompepaguruakono sala ntumuwudo bawaa-Ku ka dompesumpa a nee-Ku, ’A nee-Do i Ue anu tuwu,’ kana'umpe domempaguru ira bawaa-Ku ka dompesumpa a neeno Baala, asalakono ira wali mewinangu i tonga-tongado bawaa-Ku.

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yeremia 5:7

Tewala kanatuu, kana'umpe Aku umampuniko? Luwuno anamu domebinta Akumo, ka mpesumpa a neeno anu komba Ondae Ue Ala. Umarino Kupokomowohi ira, ondae mponsosabo ka mperonga-ronga melako a raha mpebelesua.

Imama 19:12

Si mpesumpa nahi mentee a nee-Ku, kasi mensosa'ario nee-Do Ue Alamiu. Ongkuemo Ue.

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

I MATIU 5:33

Imerongeomo mbo'u anu domempinauako uempu'uto: Si pesumpa nahi mentee, tendeano iniomo sumpamu i aro-Do i Ue.

I LUKASI 4:8

Sine motae Ira i Yesu ndi onae, ”Hinao teburi: Asalakono ka upesombai Ira i Ue, Ue Alamu, ka butu koa ndi Ondae upesomba!”

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 5:11

Si pauo nee-Do i Ue, Ue Alamiu, nahi pototono, hangano Ondae i Ue Ira mokonsalao mia anu nahi pototono pauo nee-Do.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Yosua 2:12

Kanandio, ipesumpamo, ia nee-Do i Ue, nde melelu akumo mauru ndi omiu, ka komiu mpelelu moiko ia pepaekompoku; ka ipowee aku petondoni anu gagi pe'iniaku,

Yosua 23:7

Sii mpe'asaako ira luwuno tongku anu da tepo'ia i olomiu atuu. Sii me'akuio neeno anu pinesombai susua ke ba mesumpa ia nee atuu. Sii mpesombaio lahumoa atuu.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

1 Samueli 20:3

Sine i Daudi mokomanasaakono aroano i Yonata, ipotae, ”Ondae amamu doto'orio ntu'u, omue tedoa moiko ndi ongkue, onaemo ka dopewowoloo, ’ka simansa tumo'orio i Yonata mongkona andio, ranta kai masusa aroano.’ Sine a nee-Do i Ue anu tuwu ka tuwumu, asa laampa'amokoa olono ongkue ka matea.”

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”