Winali 6:12 - Wunta Mempori

¹² onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Winali 6:12 ပူးပေါင်းရင်းမြစ်များ

2 Mokole 17:36

Sine asalakono impesombamo ndi Ondae i Ue, anu tumaateakomiu roso langkai ka kae anu tetande inso i wita Masiri. Asalakono impenggolontu mpesombai Ira ka mpopesombaako pesomba ndi Ondae.

2 Mokole 17:38

Si mengkolupeo pedandia anu Kuweweuomo saru omiu ka siimo impesomba a anu pinesombai susua.

Ayubi 8:13

Kanatuumo sala ntumuwu luwuno mia anu kumolupe Ira Ue Ala; tampulaomo pomperorohiano mia anu mosa'o gauno,

Po'unde-unde 103:2

Unde-unde Iramo i Ue, hei sumangaku, ka si kolupeo luwuno moiko-Do!

Po'unde-unde 44:17

hangano paudo mia anu montata ka mompepaukiako, hangano tepo'aroako iwali ka anu monaa-naa aroa.

Po'unde-unde 59:11

Ondae Ue Alaku Ira tumotowoakune pompehohawa-Do; Ondae Ue Ala Ira weweu aku me'uru-uru ira iwaliku.

Po'unde-unde 78:7

ka domenaao pompe'ala-ala ndi Ondae Ue Ala ka nahi domengkolupeo luwuno wineweu-Do Ue Ala, sine me'inio luwuno parenta-Do;

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Powadi 30:9

Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 51:13

Omue kumolupe Ira i Ue anu mokogagiko, anu wileo langi ka numaao empehino tolino. Omue doito mpiha asa ngkeu oleo a ntekudano anu mompokonsii atuu, tempono ipepatinda mompokoropu. Isuaomoke tekudano anu mompokonsii atuu?

Yeremia 34:13

”Kanandiomo pau-Do i Ue, Ue Alado to Isaraeli: Mowutu Akumo pedandia saru uempu'umiu i tempono Kuwawa ira mpeluarako inso i wita Masiri, inso a mpo'ianga tepe'ataa, ihino:

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

Winali 4:23

Impope'inandaimo, kasi mengkolupeo pedandia-Do iUe, Ue Alamiu anu wineweu-Do saru omiu, ka impoweweu tinaha kana hapamo koa anu inonto-Do i Ue, Ue Alamiu.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 8:10

Ka komiu mpongkaa ka komiu memowohi, gagi komiu me'unde-unde Ira i Ue, Ue Alamiu, hangano wita anu Doweeakomiu atuu moiko.

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.