Winali 6:11 - Wunta Mempori

¹¹ Luwuno raha bukeako luwuno sangka anu moiko anu komba omiu me'ihiio; luwuno sumuru anu komba omiu mengkekeo; luwuno mbo'u lere anggoro ka lere saitu anu komba omiu mempahoo. Tewala atuu gagi, ka impongkaa saru gagi mowohi,

Winali 6:11 ပူးပေါင်းရင်းမြစ်များ

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Po'unde-unde 105:44

Doweeako ira luwuno witado mperupa-rupa tongku, onaemo ka dompe'ueo hasilino pe'iseido luwuno suku tongku,

Winali 11:15

Ka Ira mompowee ewo i padamiu tiado pinotuwumiu, ranta kai mpohawe mpongkaa ka gagi mowohi.

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

Winali 19:1

Tewala Dopokotampula iramo i Ue, Ue Alamiu luwuno tongku anu witado Doweeakomiu i Ue, Ue Alamiu, ka impentorokiomo witado saru mpo'ia a luwuno kota ka rahado,

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Yosua 24:13

Kanandiomo kuwee komiumo wita anu nahi mpe'o'osuakono, luwuno kota anu komba winangumiu, sine omiu anu mpo'iangario, saru lere anggoro ka lere saitu anu komba pinahomiu, sine wuano omiu mengkaano.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.