Winali 6:1 - Wunta Mempori

¹ Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:1 ပူးပေါင်းရင်းမြစ်များ

Peluarakoa 21:1

”Ndiomo luwuno atora anu asalakono kopauako ira.

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Imama 27:34

Onaemo luwuno parenta anu pinohawe-Do i Ue ndi Musa i torukuno Sinai tiado to Isaraeli.

Podoaa 36:13

Onaemo atuu parenta ka atora peparenta-Do i Ue a nto Isaraeli molalo i Musa i lembono Moabi i wiwi ngkoro Yarade umpeda i Yeriko.

Winali 12:1

”Ndiomo pompakosi ka atora anu asalakono impetenunu meweweuo i wita anu Doweeakomiu i Ue, Ue Alado uempu'umiu kai mpe'ueo, asa ntinuwumiu i wawontolino i wita atuu.

Winali 3:18

I tempo atuu kuparentaa komiu, kanandio, ”Ondae i Ue, Ue Alamiu Doweeakomiu wita andio ka impe'ueo. Sine omiu luwuno mia moroso ka mosia, asalakono impesakiako saru sangka peteamiu i arodo pepaekompomiu, to Isaraeli.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:14

I tempo atuu Doparenta aku i Ue ka kupaguruakomiu pompakosi ka atora, kai meweweuo i wita ba isua imelako kai mpetorokio.

Winali 4:45

Ndiomo pepopoto'ori, pompakosi, ka atora anu pinohaweno i Musa a nto Isaraeli, a laro pelempaado mpeluarako inso i wita Masiri,

Winali 4:5

Impewowoloomo, kupaguruakomiumo pompakosi ka atora, kana anu Doparentaakune i Ue, Ue Alaku, kai meweweuo kanandio i wita, anu komiu mpewinsokio kai mpetorokio.

Winali 5:31

Sine omue, pentademo i ndi'ai saru Ongkue. Aku pauakomu luwuno parenta, onaemo pompakosi ka atora anu asalakono kau paguruako ira, ka domeweweuo i wita anu Kuweeako ira ka dompe'ueo.”

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.