Winali 5:5 - Wunta Mempori

⁵ Kanandiomo i tempo atuu mentade aku i olono Ondae i Ue ka omiu ka mompauakomiu pau-Do i Ue, hangano imedoitoakono api ka omiu nahi mpewuatako a ntorukuno. Mepau Ira:

Winali 5:5 ပူးပေါင်းရင်းမြစ်များ

Tegagia 18:22

Ka i'amba mia atuudo mebintao po'ianga atuu, ka mpelempa melako i Sodomo, sine i Burahima da kongkono mentade mpiha i aro-Do i Ue.

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Peluarakoa 19:16

Umarino atuu gagiomo a oleo ko'otolu mo'oru, rundu, koliki ka seru mokapa i wawo ntorukuno saru unino tawuwua anu tedoa meroku, onaemo ka dompondidi-ndidi, luwuno mia anu kongko a mpekemaa.

Peluarakoa 19:21

Mepau Ira i Ue ndi Musa, ”Petiimo, pauako ira ntu'u tongku atuu, siimo dompotilalo umpeda ndi Ondae i Ue mingki mpengkita-kita, ka ta hadio inso ndi ondae anu mate.

Peluarakoa 19:25

Metiiomo i Musa tepohaweako ira tongku atuu ka ipauako ira luwuno ndi ondae.

Yeremia 30:21

Petewawado ta koa inso ndi ondaedo, ka anu pabawaako ira ta me'umbaako inso i tonga-tongado. Aku weweuo rumangkuhi Aku ka onae ta umpeda ndi Ongkue. Hangano, isemake anu mosia tuma'oo penaano ta umpeda ndi Ongkue? Kanandiomo pau-Do i Ue.

Podoaa 16:48

Mansano mentade i olodo mia memate ka mia mentuwu, menaa-naaomo pohuku atuu.

GALATIA 3:19

Tewala kanandio, hapake tinoono songka Taura? Onae tiniangiako hangano hadio polimpaia songka – ranta ka ihawe inule anu tinoono dandi atuu – ka onae dompeweengakono mala'eka a ngkaeno asa mia.

Winali 5:27

Kanandio omue, perangkuhimo ka rongeomo luwuno anu pinau-Do i Ue, Ue Alato. Omuemo koa anu mohaweo ndi omami luwuno anu pinau-Do i Ue, Ue Alato ndi omue, manasa kami merongeo ka meweweuo.”

IBARANI 9:24

Hangano Ondae i Kerisituu komba mewinso Ira a mpo'ianga mempori wineweuno kaeno mia anu butu koa gambarano inso anu menteeano, sine i laro nsuruga isa'a Dotepo'aroako Ira Ue Ala hangano ontae.