Winali 5:33 - Wunta Mempori

³³ Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 5:33 ပူးပေါင်းရင်းမြစ်များ

1 Mokole 3:14

Umarino atuu, tewala omue tuwu montonda sala-Ku ka mekariao luwuno pompakosi ka parenta-Ku, kana anu wineweuno i Daudi, amamu, manasa Aku moweeakomu tinuwu anu melai.”

2 Mokole 17:37

Omiu asalakono mpe'ini a luwuno pompakosi, atora ka songka ka parenta anu Doburiakomiumo ka imeweweuo mpiha ka siimo impesomba a luwuno anu pinesombai susua.

1 Tawarika 28:8

Kanandio-andio, i arono matado luwuno to Isaraeli, bawaa-Do i Ue ka Dorongeo Ue Alato, mepau aku ndi omiu: Impekariaomo temenoo luwuno parenta-Do i Ue, Ue Alamiu, ka ikongko koa mpiha mpetorokio wita anu moiko andio ka imeweeako ira luwuno anamiu anu lembuino ranta nahina tampulaano.

Po'unde-unde 119:6

Nahi aku pinokoko'ii, tewala kupepenteeo luwuno parenta-Miu.

Po'unde-unde 37:11

Sine mia anu me'urumako ta me'ueo wita andio ka mo'unde hangano manangaia anu hadio ntu'u.

Po'unde-unde 37:22

Menteeano, mia anu rinonso-Do i Ue ta me'ueo wita andio, sine luwuno mia anu tinotonaa-Do ira mempinokotampula.

Po'unde-unde 37:29

Mia mentee ta me'ueo wita andio ka wela mo'ia i ra'ai.

Po'unde-unde 37:34

Sikori Iramo i Ue ka tondaomo mpiha pesalaa-Do, ka Ira tumandeko ka upe'ueo wita andio, ka kokumitao mia mosa'o gauno pinokotampula.

Po'unde-unde 37:9

Hangano mia anu moweweu mosa'o ta pinokotampula, sine mia anu sumisikori Ira i Ue ta me'ueo wita andio.

Peluarakoa 20:12

Pelangkai ira amamu ka inemu, kai melai tinuwumu a wita anu Doweeakomu i Ue, Ue Alamu ndi omue.

Powadi 3:1

Hei anaku, si kolupeo pompaguruku, ka po'ineeomo aroamu mekariao parentaku,

Yeremia 42:6

Moiko ke maupo mosa'o, kami mperorongeakono pau-Do i Ue, Ue Alato, anu ndi Ondae kimentenako, ka imoiko teweweumami tewala kimperorongeakono pau-Do i Ue, Ue Alato.”

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

EPESU 6:3

ka imeme'ura koa ka melai tinuwumiu i tolino.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 11:9

ka imelai tinuwumiu i wita anu dinandi-Do i Ue saru sumpa ndi ondae uempu'umiu ka Doweeako ira ka a inuledo, asa wita anu hadio ntu'u susu ka siu hoanino.

Winali 12:25

Si mengkaano, kai moiko tumuwumiu ka inulemiu lembunino, hangano mpoweweu komiu hapa anu mentee a pongkita-Do i Ue.

Winali 12:28

Imperorongeakonomo temoiko luwuno anu kuparentaakomiu, kai moiko tumuwumiu ka inulemiu lembuino ranta nahina tampulaano, ba mpoweweu komiu anu moiko ka mentee a pongkita-Do i Ue, Ue Alamiu.”

Winali 22:7

Moikoano ineno atuu, asalakono impotolao, sine anano moiko ime'alao. Tinoono, kai moiko imentuwu ka melai tinuwumiu.

Winali 29:8

Tompoko'alao witado ka meweengakono a nto Rube, a nto Gadi, ka a nsuku Manase anu entongano atuu, gagi tia pusakado.

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 5:16

Pelangkai ira amamu ka inemu, kana anu Doparentaa komiu i Ue, Ue Alamiu, ka imelai tinuwumiu ka moiko tumuwumiu i wita anu Doweeakomiu i Ue, Ue Alamiu.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:3

Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.

Winali 8:1

”Luwuno parenta anu kupohaweakomiu a oleo andio, asalakono impetenunu meweweuo, kai mentuwu ka ntetiangi hadio ka impewinso saru mpetorokio wita anu dinandi-Do i Ue saru sumpa ndi ondae uempu'umiu.

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.