Winali 5:29 - Wunta Mempori

²⁹ Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 5:29 ပူးပေါင်းရင်းမြစ်များ

1 Tawarika 29:18

Oo Ue, Ue Alano i Burahima, i Saki ka i Isaraeli, uempu'umami, Ipekaria iramo ranta nahina tampulaano aroado bawaa-Miu anu kanandio-andio ka kongko Iwawao aroado ndi Omiu.

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 19:11

masuliopo olino sekono wulaa, sekono maupo hadio wulaa mpena; ka mo'ahiopo sekono siu hoani, maupo sekono siu hoani iiti inso a inenano hoani.

Po'unde-unde 19:12

Tetenaa-Miu mbo'u montarima pepopoto'ori inso ndi onae, mohawe tambo langkai saru me'ini ndi onae.

Po'unde-unde 78:7

ka domenaao pompe'ala-ala ndi Ondae Ue Ala ka nahi domengkolupeo luwuno wineweu-Do Ue Ala, sine me'inio luwuno parenta-Do;

Po'unde-unde 81:16

luwuno mia anu umo'aliaako Ira i Ue ira mpetuundu ndi Ondae, onaemo anu Dotantuiako ira i Ue ranta nahina tampulaano;

Yesaya 3:10

Pauako iramo mia mentee, moiko ntu'u teweweudo a lembuiano, hangano ira mpongkaa hasilino inanggado.

Yesaya 48:18

Tewala upekokoongakono luwuno parenta-Ku, rodoamu ta kana korono, ka manangaimu ta hadio ntu'u kana bomba-bombano tahi.

Yeremia 42:6

Moiko ke maupo mosa'o, kami mperorongeakono pau-Do i Ue, Ue Alato, anu ndi Ondae kimentenako, ka imoiko teweweumami tewala kimperorongeakono pau-Do i Ue, Ue Alato.”

Yeremia 44:4

Nahi otu-otu Kutena ira ndi omiu luwuno tetenaa-Ku, luwuno nabi, ka domempauo: Si mpoweweu anu mokoburu anu Ku'o'aliaakono andio!

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I LUKASI 19:42

Dopotae, ”Anai, tedoa moiko tewala a oleo koa mbo'u andio upokonto'orio hapa anu kinere tiano rodoamu! Sine kanandio-andio mongkona atuu tewuni a matamu.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

EPESU 6:3

ka imeme'ura koa ka melai tinuwumiu i tolino.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 12:25

Si mengkaano, kai moiko tumuwumiu ka inulemiu lembunino, hangano mpoweweu komiu hapa anu mentee a pongkita-Do i Ue.

Winali 12:28

Imperorongeakonomo temoiko luwuno anu kuparentaakomiu, kai moiko tumuwumiu ka inulemiu lembuino ranta nahina tampulaano, ba mpoweweu komiu anu moiko ka mentee a pongkita-Do i Ue, Ue Alamiu.”

Winali 19:13

Si haweako aroamiu mpehohawao. Kanatuumo imempahihio reano mia anu nahina salano inso i Isaraeli, kai moikokoa imentuwu.

Winali 22:7

Moikoano ineno atuu, asalakono impotolao, sine anano moiko ime'alao. Tinoono, kai moiko imentuwu ka melai tinuwumiu.

Winali 4:10

Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 5:16

Pelangkai ira amamu ka inemu, kana anu Doparentaa komiu i Ue, Ue Alamiu, ka imelai tinuwumiu ka moiko tumuwumiu i wita anu Doweeakomiu i Ue, Ue Alamiu.

Winali 5:30

Lakomo, pauako iramo, ’Impekulemo a ngkemamiu.’

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:17

Asalakono tementee ntu'u impe'ini a parenta-Do i Ue, Ue Alamiu, a mpepopoto'ori ka pompakosi anu Doparentaa komiu.

Winali 6:18

Asalakono imeweweuo hapa anu mentee ka moiko a pongkita-Do i Ue, kai moiko tumuwumiu ka impewinsokio saru mpetorokio wita anu moiko, anu dinandi-Do i Ue saru sumpa ndi ondae uempu'umiu,

Winali 6:3

Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.

Winali 8:6

Onaemo pu'uno, asalakono impe'ini a parenta-Do i Ue, Ue Alamiu, saru mentuwu montonda sala anu tiniso-Do ka saru doitoako Ira.

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

Ruti 3:1

Onaemo ka i Naomi ponino atuu, motaeakono, ”Anaku nde nahi moiko tokoa ba kupo'ungkeakomu anu ta mekariako ka umanangai?