Winali 5:26 - Wunta Mempori

²⁶ Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

Winali 5:26 ပူးပေါင်းရင်းမြစ်များ

Tegagia 32:31

Sabaomo oleo i wawono tempono itelalo i Penieli, ka onae modingge hangano puu pa'ano.

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

Po'unde-unde 42:2

Kana rusa anu mongkekewoi korono anu me'uwoi, kanatuumo sumangaku kumekewoi Komiu, oo Ue Ala.

Po'unde-unde 42:3

Sumangaku mokorangaako Omiu Ue Ala, Omiu Ue Ala anu tuwu. Te'ipiake moiko ku'aiwa kumitao rupa-Miu Ue Ala?

Po'unde-unde 84:2

Tedoa kukekewoio po'ianga-Miu, oo Ueno luwuakoano!

Peluarakoa 20:22

Mepau Iramo i Ue ndi Musa, ”Kanandiomo pauako ira to Isaraeli: Imensakosiiomo, nine Ongkue mepau ndi omiu inso i langi.

Yesaya 40:6

Hinao suara anu mepau, ”Peboolimo!” Sangkiku, ”Hapake anu asalakono kupebooliako?” ”Luwuno mia kana ewo ka luwuno momoikono kana bunga a mpada.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

WINEWEUDO TINENA 14:15

”Hei luwumiu, tembio ka impoweweu kanandio? Omami andio mia koa mengkena kana omiu. Omami kongko i ndi'ai mompaleleakomiu Lele Mawongkoa, ka imebintao wineweumiu anu nahina tuduno ka impepokule ndi Ondae Ue Ala anu tuwu, anu mokogagio langi ka tolino, tahi ka luwuno ihino.

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

Winali 4:33

Horiokoake aasa tongku moronge suarano ue ala anu mepau inso a ntonga-tongano api, kana anu rinongemiu ka kongko tuwu?

Winali 5:27

Kanandio omue, perangkuhimo ka rongeomo luwuno anu pinau-Do i Ue, Ue Alato. Omuemo koa anu mohaweo ndi omami luwuno anu pinau-Do i Ue, Ue Alato ndi omue, manasa kami merongeo ka meweweuo.”

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Puu Mpobitara 13:22

Mepauomo i Manoa ia beineno, ”Asalakono kita mate, nde tokita Iramo Ue Ala.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”