Winali 5:10 - Wunta Mempori

¹⁰ Sine, Aku mopokitao pompehohawa pokongkomi a sowu-sowuno mia, ndi ondae anu mehohawa Aku ka me'ini a luwuno parenta-Ku.

Winali 5:10 ပူးပေါင်းရင်းမြစ်များ

Po'unde-unde 103:17

Sine, pompehohawa-Do i Ue inso nahina tampulaano hawe nahina tampulaano a mia anu doitoako Ira, ka moleo-Do tiado inule,

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Peluarakoa 34:7

anu nahi bali pompehohawa-Do a sowu-sowuno mia, anu mo'onini sala, pe'ewa ka hala, sine nahi Dopo'inee ira mia anu sala toola inso a mpohuku, anu mombalo salano luwuno ama, a ana ueno, hawe a inuleno anu ko'otolu ka ko'opaa.”

Yeremia 32:18

Omiumo anu mopokitao pompehohawa-Miu a mapasowu-sowuno mia ka anu mombalo salado ama a luwuno anado umarino ondae. Oo Ue Ala anu langkai ka moroso, nee-Miu onaemo Ueno luwuakoano,

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

I YOHANE 14:15

”Tewala impehohawa Aku, komiu mentondao luwuno parenta-Ku.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.