Winali 4:40 - Wunta Mempori

⁴⁰ Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 4:40 ပူးပေါင်းရင်းမြစ်များ

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Peluarakoa 20:12

Pelangkai ira amamu ka inemu, kai melai tinuwumu a wita anu Doweeakomu i Ue, Ue Alamu ndi omue.

Peluarakoa 23:26

I witamiu nahi ta hina beine anu te'onini ke nahi po'ule. Aku mokomelaio tinuwumiu.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Yesaya 65:20

I tu'ai nahi ta hina mbo'u nana'ote anu tuwu butu ba'opia oleo ke mia mota'u anu nahi haweako tende ntinuwu, hangano isema anu mate a ntinuwu asa etu nta'u da ta pinotaeako mongura, ka isema anu nahi haweako asa etu nta'u ta pinotaeako kona ntotonaa.

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Yeremia 35:18

Mepauomo i Yeremia a nsukudo to Rekabi, ”Kanandiomo pau-Do Ueno luwuakoano, Ue Alado to Isaraeli: Hangano imerongeomo parentano i Yonadabi, uempu'umiu, mpe'ini a luwuno parentano ka imeweweuomo kona ntu'u kana anu iparentaa komiu,

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Yeremia 7:7

asalakono Aku koa mo'inee komiu mpo'ia a mpo'ianga andio, ka wita anu Kuweeako iramo uempu'umiu, inso i ndi'ipua ranta nahina tampulaano.

Imama 22:31

Asalakono impe'ini a parenta-Ku ka meweweuomo, Ongkuemo Ue.

Podoaa 10:29

Ka i'amba motae i Musa ndi Hobabi anano i Rehueli to Midia, ponino i Musa, ”Kami mpelungka a mpo'ianga anu dinandi-Do i Ue tempono Dopepau: Aku koa meweengakono ndi omiu. Ipetondamo merongaakami, kami koa mpoweweu moiko ndi omiu, hangano Ondae i Ue modandiako ira anu moiko a nto Isaraeli.”

I YOHANE 14:15

”Tewala impehohawa Aku, komiu mentondao luwuno parenta-Ku.

EPESU 6:3

ka imeme'ura koa ka melai tinuwumiu i tolino.

Winali 11:9

ka imelai tinuwumiu i wita anu dinandi-Do i Ue saru sumpa ndi ondae uempu'umiu ka Doweeako ira ka a inuledo, asa wita anu hadio ntu'u susu ka siu hoanino.

Winali 12:25

Si mengkaano, kai moiko tumuwumiu ka inulemiu lembunino, hangano mpoweweu komiu hapa anu mentee a pongkita-Do i Ue.

Winali 12:28

Imperorongeakonomo temoiko luwuno anu kuparentaakomiu, kai moiko tumuwumiu ka inulemiu lembuino ranta nahina tampulaano, ba mpoweweu komiu anu moiko ka mentee a pongkita-Do i Ue, Ue Alamiu.”

Winali 22:7

Moikoano ineno atuu, asalakono impotolao, sine anano moiko ime'alao. Tinoono, kai moiko imentuwu ka melai tinuwumiu.

Winali 25:15

Asalakono hinao ndi omue watu pontimba anu soompo ka mentee, saru ponsa'u anu soompo ka mentee, kai mentuwu melai i wita anu Doweeakomiu i Ue, Ue Alamu.

Winali 32:47

Hangano pau andio komba pau mooa ndi omiu, sine onaemo tumuwumiu. Mongkona pau andio komiu tuwu melai i wita anu komiu mpentorokio, umari mensakio koro Yarade.”

Winali 33:25

Po'ineeomo inso a labu ka mala lansono tondono, rosomu asa ntinuwumu.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

Winali 4:5

Impewowoloomo, kupaguruakomiumo pompakosi ka atora, kana anu Doparentaakune i Ue, Ue Alaku, kai meweweuo kanandio i wita, anu komiu mpewinsokio kai mpetorokio.

Winali 4:6

Impetenunumo meweweuo atuu, hangano onaemo atuu anu ta gagi ponto'orimiu ka mpopewowolo a pongkitado luwuno tongku. Tewala rumongeo luwuno pompakosi andio ira mpotae, ”Lano tongku anu langkai andio, ondaemo bawaa anu mponto'orimiu ka mpopewowolo”

Winali 5:10

Sine, Aku mopokitao pompehohawa pokongkomi a sowu-sowuno mia, ndi ondae anu mehohawa Aku ka me'ini a luwuno parenta-Ku.

Winali 5:16

Pelangkai ira amamu ka inemu, kana anu Doparentaa komiu i Ue, Ue Alamiu, ka imelai tinuwumiu ka moiko tumuwumiu i wita anu Doweeakomiu i Ue, Ue Alamiu.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:18

Asalakono imeweweuo hapa anu mentee ka moiko a pongkita-Do i Ue, kai moiko tumuwumiu ka impewinsokio saru mpetorokio wita anu moiko, anu dinandi-Do i Ue saru sumpa ndi ondae uempu'umiu,

Winali 6:3

Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.