Winali 4:36 - Wunta Mempori

³⁶ Inso i langi Dopoporongeo pau-Do ndi omiu anu paguru komiu; i tolino Dopopokitao ndi omiu api-Do anu langkai, ka pinau-Do imerongeo inso a ntonga-tongano api.

Winali 4:36 ပူးပေါင်းရင်းမြစ်များ

Nehemia 9:13

Metii Komiu a wawo ntorukuno Sinai ka mepau saru ondae inso i langi. Ipoweeako ira luwuno atora anu moleo, luwuno songka anu mentee saru luwuno pompakosi ka luwuno parenta anu moiko.

Peluarakoa 19:18

Asa torukuno Sinai me'ahu, hangano Ondae i Ue metii i wawono a laro api. Ahuno membombo kana ahu api polabua, ka torukuno atuu reende.

Peluarakoa 19:19

Unino tawuwua kotehi-tehineno komero-merokuno. I Musa mepau, Ondae Ue Ala sumangki a laro rundu.

Peluarakoa 19:9

Mepau Iramo i Ue ndi Musa, ”Onaemo pu'uno, Aku aiwa ndi omue a laro nseru anu mokapa, ka domerongeo tongku atuu ba Kupepau ndi omue, ka inso i ra'ai iramo mpe'ala-alako mpiha.” Tempono i Musa pauako Ira i Ue paudo tongku atuu,

Peluarakoa 24:16

Maramba-Do i Ue mo'ia i wawo ntorukuno Sinai, ka seru tumutuwio torukuno atuu i larono onoo oleo. I oleo ko'opitu, Dopoboio i Musa inso a laro nseru atuu.

Winali 4:12

Ka Do'amba i Ue mepau ndi ongkue inso a ntonga-tongano api. Suara anu mepau imerongeo, sine nahina rupa anu kinitamiu; butu hinao suara.

Winali 4:15

Nahi mpokita hapamokoa i oleo Dopepau i Ue ndi omiu i Torukuno Hore inso a ntonga-tongano api. Onaemo pu'uno, imedagaio ntu'u koroimiu,

Winali 4:33

Horiokoake aasa tongku moronge suarano ue ala anu mepau inso a ntonga-tongano api, kana anu rinongemiu ka kongko tuwu?

Winali 8:5

Gagi asalakono kai mento'orio, nine Ondae i Ue, Ue Alamiu paguru komiu kana asa mia mompaguru anano.

IBARANI 12:18

Hangano nahi ime'aiwa a ntorukuno anu pinokodanggi ka api anu kolanga-langa, a worikidi, wongi-wongia ka angi mokora,

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?