Winali 4:30 - Wunta Mempori

³⁰ Tewala lembuino omiu a laro masukaraa ka luwuno anu andio umalu komiu, onae kai mpepokule ndi Ondae i Ue, Ue Alamiu, ka mperorongeakono suara-Do.

Winali 4:30 ပူးပေါင်းရင်းမြစ်များ

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Po'unde-unde 107:13

Onaemo ka dompeboo-boolimo ndi Ondae i Ue a laro pompema'isodo, ka Dokadudui ira inso a masusado,

Po'unde-unde 107:6

Onaemo ka dompeboo-boolimo ndi Ondae i Ue a laro pompema'isodo, ka Dopotola ira inso a masusaado.

Po'unde-unde 18:6

kolorono tolinodo mia mate wewesi aku, luwuno pompete'umala matea tina'o i aroku.

Po'unde-unde 59:16

Ondae mpelakopi mpo'ungke mpongkaa; tewala nahi domemowohi, mentumoo ira.

Peluarakoa 18:8

Umarino atuu, i Musa tumutuluakono ponino luwuakoano anu wineweu-Do i Ue ndi Pirao ka a nto Masiri hangano to Isaraeli, kanatuu koa mbo'u luwuno masusaa anu pinembasaido to Isaraeli a nsala ka ba kana'umpe Ondae i Ue kumadudui ira.

Yesaya 1:19

Tewala mebehe komiu mpetenunu, komiu mpongkaa hasili moiko inso a wita andio.

Yeremia 23:20

Tekuda-Do i Ue nahi ta temonto, ranta ka Doweweuo ka mokogagio tinoono aroa-Do; A oleo pokotompa ka i'amba mento'orio ntu'u mongkona atuu.

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Ponsabangi 3:40

Aiwamo tompempenteeo ka memparesao tuwuto, ka tompepokule ndi Ondae i Ue.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

Podoaa 24:20

Mansano kumita ira i Bilea to Amale, ipauo powadino, ipotae, ”Amale onaemo anu lalu pinelangkai i olono luwuno tongku, sine poko'ariano onaemo matae anu nahina tampulaano.”

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

Winali 30:10

tewala imperorongeako Ira i Ue, Ue Alamu saru mpe'ini a parenta ka pompakosi-Do anu teburi a wunta Taura andio, ka tewala mpepokule komiu ndi Ondae i Ue, Ue Alamu tompaano aroamu ka tompaano tinuwumu.

Winali 30:2

ba mpepokule komiu mbo'u ndi ondae i Ue, Ue Alamu, ka imperorongeakono pua-Do menunu saru luwuno anu kuparentaakomu oleo andio, moiko omiu maupo luwuno anamu a tompaano aroamu ka tompaano tinuwumu,

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,