Winali 4:28 - Wunta Mempori

²⁸ I ra'ai komiu mpesomba a luwuno ue ala wineweuno kaeno mia, inso a ngkeu ka watu, anu nahi pokompongkita ke moronge, nahi pokompongkaa ke mowoo.

Winali 4:28 ပူးပေါင်းရင်းမြစ်များ

2 Mokole 17:40

Sine nahi dobehe mperorongeakono, tendeano mpoweweu ira kana anu wineweudo i ndi'ipua.

Yesaya 26:14

Ondae memate iramo, nahi ira mentuwu mbo'u, megagi iramo onitu, nahi ira mpewangu mbo'u; menteeano, Ihuku iramo ka rumopu ira, ka tumadio luwuno pinewowolo ndi ondae.

Yesaya 44:11

Menteeano, luwuno anu tumondao ta pinokoko'ii, ka luwuno puu mpoweweuno butu koa mia. Po'ineeomo dompepumpu luwu ka mpentade! Ondae ira medoito ta mohawe mokoko'ii mperonga-ronga.

Yesaya 44:12

Saru luwuno parewado puu mpo'angga labu weweuo a laro waro api ka paluakono palu. Onae umanggaakono luwuno roso a ngkaeno. Tendeano onae montaha mokoninggo ranta pingkoomo rosono, ka onae nahi po'inu uwoi onaemo ka imolema telusa.

Yesaya 44:9

Mia anu mpoweweu tinaha, luwuno nahina hapa-hapado, ka arataa pinehohawado atuu nahina tuduno. Luwuno sakosiido nahi domengkitao ka nahi domponto'ori hapa-hapa; onaemo pu'uno ira mempinokoko'ii.

Yesaya 45:20

”Mpepumpumo ka aiwamo, ime'aiwamo meronga-ronga, hei luwumiu anu mentola i olodo tongku! Nahina ponto'orido mia anu mpowawa tinaha inso a ngkeu kanantuu koa mbo'u ondae anu mpekakai a mpinesombai anu nahi polio mongkadudui.

Yesaya 46:7

Domentandeo a wawo owea ka domentembio, ka do'amba menaao a mpo'iangano; onae mentade mpiha ka nahi pokompelimba inso a mpo'iangano. Maupo dompebooli mia ndi onae, onae nahi sangki ka nahi kadudui ira inso a ma'isoado.

Yeremia 10:3

Hangano, gaudo tongku atuu nahina pengkonaano. Kombake lahumoa atuu keu anu tinuehi inso a ntobu, anu inanggano asa mia puu mpo'angga keu mompake pa'o?

Yeremia 10:5

Luwuno lahumoa mengkena kana mia-mia a lere suai, nahi dompokompepau ka asalakono tinande hangano nahi pokompelempa. Si doitoakono, hangano nahi dompokompoweweu anu mosa'o, ka nahi dompokompoweweu mbo'u anu moiko.”

Yeremia 10:9

Salaka pinalu winawa inso i Tarasisi, ka wulaa inso i Upasi; lahumoa atuu wineweuno puu mpo'angga ka wineweuno kaeno mia pande mo'angga wulaa. Sangkano inso a nsawu wungo motu'a ka sawu wungo mongura, luwuno wineweuno kaeno mia anu pande mo'angga.

Yeremia 16:13

Onaemo pu'uno, Aku metadiakomiu inso i wita andio lumako i wita anu nahi imento'orio maupo uempu'umiu. I ra'ai komiu mpesomba a mpinesombai susua meene ka wongi, hangano nahi Aku mehohawa komiu mbo'u.’

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Yehesikieli 20:39

Hei omiu, suku Isaraeli, kanandiomo pau-Do Ue Ala, po'ineeomo singge mia lumako mesomba a luwuno lahumoano. Sine lembuino komiu meronge Aku ka nee-Ku anu mempori nahi kinokoburutiako mbo'u luwuno pesomba ka lahumoamiu.

WINEWEUDO TINENA 19:26

Kanandio-andio omiu isa'a mengkitao ka merongeo, kana'umpe i Paulu, komba butu i Epesu, sine mingki asa wawo wita Asia mbo'u ipopandei iramo ka mompokontesaa hadio mia ipotae, nine hapa anu wineweuno kaeno mia komba anu pinesombai.

WINEWEUDO TINENA 7:42

Onaemo ka Dopewolili Ue Ala inso ndi ondae ka mo'inee ira mpesomba a anano wula i langi, kana anu teburi a wuntado nabi: Nde impesombaakonoke ndi Ongkue pesomba sinumbele ka pesomba i larono pato pulu nta'u i pada one atuu, hei suku isaraeli?

Winali 28:36

Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

Winali 29:17

Imengkitaomo pinesombai anu mokoburu ka lahumoado, inso a ngkeu ka watu, wulaa ka salaka, anu hina ndi ondae.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,

1 Samueli 26:19

Kanandio-andio ueku mokole, iperorongeakono wainto anu pinauno tetenaamiu andio. Tewala Ondae i Ue anu tumenakomiu umewai aku, po'ineeomo ka Dopemoikoo woono pesomba. Sine tewala inso a mia, tetotonaa iramo i aro-Do i Ue, hangano oleo andio domensaari akumo, ranta nahi kupohawe tia pusaka-Do i Ue. Mpotae iramo, ’Lakomo pesomba a anu pinesombai susua.’