Winali 4:26 - Wunta Mempori

²⁶ Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Winali 4:26 ပူးပေါင်းရင်းမြစ်များ

Tegagia 19:13

Kami rumopuo po'ianga andio, hangano hadio peraalikido mia mongkona kota andio i aro-Do i Ue. Onaemo pu'uno ka Dotena kami i Ue rumopuo.”

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yeremia 16:13

Onaemo pu'uno, Aku metadiakomiu inso i wita andio lumako i wita anu nahi imento'orio maupo uempu'umiu. I ra'ai komiu mpesomba a mpinesombai susua meene ka wongi, hangano nahi Aku mehohawa komiu mbo'u.’

Yeremia 2:12

Kokodohoakonomo atuu, hei langi, pondidi-ndidimo ka kohali-haliakonomo ntu'u, kanandiomo pau-Do i Ue.

Yeremia 22:29

Hei wita, wita, wita! Rongeomo pau-Do i Ue!

Yeremia 32:24

Menteeano, luwuno rere watu pongkadua tekenseomo pinoko'umpeda ka dompoko'alao kota. Hangano ponai, mokoninggoa ka haki leleno kota atuu pineweengako a ngkaedo to Kasidimi anu mpeteaakono. Ka hapa anu pinau-Miu atuu gagiomo; mentee ntu'u, Omiu isa'a kumitao.

Yeremia 44:22

Ondae i Ue nahi Dopokompeteao mbo'u kumitao luwuno wineweumiu anu mosa'o ka hapa anu mokoburu wineweumiu. Hanganomo onae witamiu gagi terawo-rawo, mongkokongiria ka pontotonaa ranta nahina palili, kana kanandio-andio.”

Yeremia 6:19

Rongeomo, hei tolino! Mentee ntu'u Aku mompotii masolaa a tongku andio, gagi poko'ariano inso a luwuno tinoodo, hangano nahi dompekokoongakono pau-Ku ka domentarimao pompaguru-Ku.

Yehesikieli 33:28

Aku weweuo wita andio boni-boni ka nahi tepekakaako, ka pompelangka-langkai hangano rosono tamo tampula. Luwuno torukuno i Isaraeli ta gagi boni-boni, ranta nahina maupo te'asa mia mosia telaloio.

Yehesikieli 36:4

Onaemo pu'uno, hei luwuno torukuno Isaraeli, rongeomo pau-Do Ue Ala: Kanandiomo pau-Do Ue Ala a luwuno torukuno ka pongku, a luwuno bangano korono ka lembono, a ntekale-kaleano anu boni-boni ka luwuno kota anu binintaomo, anu gagiomo pomurua ka pasinggiriado toreano luwuno tongku a mpehori-horino.

Imama 18:28

kasikoa luakomiu io wita atuu, tewala impokomokoburuo, kana umariomo iluakonomo tongku anu se'eluno omiu.

Mika 1:2

Imerongeomo, hei luwuno tongku! Impekokoongakono, hei tolino saru ihino! Po'ineeomo Ondae Ue Ala gagi sakosii ndi omiu, onaemo Ondae i Ue inso a raha-Do anu mempori.

Mika 6:2

Rongeomo, oo luwuno torukuno potuntu-Do i Ue, ka ta'oomo biri, oo luwuno empehino tolino! Hangano Ondae i Ue hinao potuntu-Do a bawaa-Do, ka Ondae mekara-kara saru Isaraeli.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

Winali 11:17

Tewala kanatuu, tekuda-Do i Ue ta tesingka ndi omiu ka Ira tumondoo langi, ranta nami hina usa ka wita nahi ta moluarako hasilino, ka i'amba ronga mepiingko inso a wita moiko anu Doweeakomiu i Ue.

Winali 28:20

Ondae i Ue Ira mompotii pohuku, marisua, ponsepi i olomiu a laro angaa anu inanggano kaemiu ranta ka imeropu ka metampula. Hangano mosa'o wineweumiu mpebungkui Ira Ue.

Winali 28:22

Ondae i Ue Ira humukuakomiu mehengge mokari, biibi ka haki buroko, mokula nsa'o ka wita mokari, ponsolangi mpinopaho ka hakino gandu. Luwuno atuu ta lumulu komiu ranta kai tampula.

Winali 28:45

Luwuno pontotonaa atuu ta hawe ndi omiu, lumulu ka umalu komiu, ranta ka imeropu, hangano nahi mpomperorongeako pau-Do i Ue, Ue Alamiu, ka nahi mpe'ini a parenta ka a pompakosi anu Doparentaa komiu.

Winali 28:61

Mperupa-rupa mbo'u haki ka pohuku, anu nahi teburi a laro wunta Taura andio, Ira motiio i Ue ndi omiu, ranta kai meropu.

Winali 29:28

Dobuta iramo i Ue inso i witado a laro ntekuda ka mokulano aroa ka o'alia-Do ntu'u, ka Do'amba metadiako ira i wita susua, kana anu gagi kanandio-andio.

Winali 31:28

Tena iramo luwuno mia memota'u a nsukumu, ka luwuno mia mpo'anggamu mpepumpu ndi ongkue. Aku pauo mongkona anu kanandio ndi ondae saru moboio langi ka tolino gagi sakosii ndi ondae.

Winali 32:1

”Ta'oomo birimu, hei langi, aku mepau, rongeomo, hei tolino, pinauku.

Winali 7:4

Hangano, ira meweweuo anamiu tama pansia inso ndi Ongkue, ranta ka dompesomba a anu pinesombaido susua. Ka i'amba tekuda-Do i Ue ta hawe ndi omiu ka Ira ronga rumopu komiu.

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

Winali 8:20

Kana luwuno tongku anu pinepate-Do i Ue i aromiu, omiu mbo'u komiu memate, hangano nahi mebehe merongeo pau-Do i Ue, Ue Alamiu.”

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

Yosua 24:20

Tewala imebinta Ira i Ue, ka mpesomba a anu pinesombaido mia hawe, Ira mebungkui komiu, ka Ira moweakomiu urasa'o, ba mokoropu komiu umari-Do moweweu anu moiko ndi omiu.”