Winali 4:23 - Wunta Mempori

²³ Impope'inandaimo, kasi mengkolupeo pedandia-Do iUe, Ue Alamiu anu wineweu-Do saru omiu, ka impoweweu tinaha kana hapamo koa anu inonto-Do i Ue, Ue Alamiu.

Winali 4:23 ပူးပေါင်းရင်းမြစ်များ

2 Mokole 17:38

Si mengkolupeo pedandia anu Kuweweuomo saru omiu ka siimo impesomba a anu pinesombai susua.

1 Tawarika 16:15

Impewowoloomo pedandia-Do ranta nahina tampulaano, pau anu pinakosi-Do tiano asa nsowu api ntumuwu,

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Yesaya 24:5

Tolino mokoburu hangano palilino, hangano ondae mpolingei songka, mpolimpa'i pompakosi ka mehapuo pedandia nahina tampulaano.

Yeremia 31:22

Opiapo mbo'u tehineno unanta-nanta, hei ana beine anu mebungkui Ira i Ue? Mentee ntu'u, Ondae i Ue mompokogagi asa anu wo'ohu i wita andio kana pelempano beine mongkopui tama.”

Yehesikieli 16:59

Hangano, kanandiomo pau-Do Ue Ala: Aku weweuo ndi omue kana anu wineweumu mongkona pomperuanahi sumpa saru mehapuakono pedandia.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

Maleaki 4:4

Impewowoloomo Taura anu Kuparentaakono i Musa, tetenaa-Ku, i torukuno Hore tiado luwuno to Isaraeli, onaemo luwuno pompakosi ka luwuno songka.

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

I MATIU 24:4

Sumangki Ira i Yesu ndi ondae, ”Impetangkoromo ka si dompopo'oo komiu mia!

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 21:8

Dosangki ira, ”Impetangkoromo, ka si ntepopo'oo. Hangano hadio mia ira mehawe mpeneeako nee-Ku ka dompotae: Ongkuemo Ondae, ka: Rangkuomo tempono. Si mentonda ira.

Winali 16:22

Osi'i mbo'u impowangu tugu lahumoa, hangano mongkona atuu Do'o'aliaakono i Ue, Ue Alamiu.

Winali 27:15

’Tetotonaaomo mia anu moweweu tinaha pina'o ke tinaha tinawa, aasa mokoburu-Do i Ue, wineweuno kaeno asa mia puu mpo'angga, ka montadeo mewuni-wuni.’ Luwuno tongku atuu, asalakono mpotae, ’Ami!’

Winali 27:9

Ka i'amba i Musa ka luwuno sando mpesomba to Lewi mepau a luwuno to Isaraeli, kanandio, ”Impomperodo ka imerongeomo hei to Isaraeli. Ia oleo andio megagi komiumo bawaa-Do i Ue, Ue Alamiu.

Winali 29:25

Ira mesangki mia, ”Hangano ondae atuu nahi domentondao pedandia-Do i Ue, Ue Alano uempu'udo, pedandia anu winutu-Do saru ondae tempono Dowawa ira mpeluarako inso i wita Masiri.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

Winali 4:25

Tewala mpe'ana ue komiu ka gagi mota'u i wita atuu, ka impogau mokoburu mpoweweu tinaha kana hapamo koa ka mpoweweu hapa anu mosa'o a pongkita-Do i Ue, Ue Alamiu, komiu mokontekuda Ira.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 5:2

Ondae i Ue, Ue Alato Dowutuomo pedandia saru ontae i Torukuno Hore.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

IBARANI 3:12

Impetangkoromo, hei luwuno pepaekompo, ka si hinawe te'asa mia i olomiu anu mosa'o aroano ka anu nahi pompe'ala-ala hangano ihapu Ira Ue Ala anu tuwu.

Yosua 23:11

Kongkomo impetenunu mehohawa Ira Ondae i Ue, Ue Alamiu!

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”