Winali 4:10 - Wunta Mempori

¹⁰ Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”

Winali 4:10 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Po'unde-unde 145:4

Mapa'api-api inule ta pinelangkai luwuno inangga-Miu ka ira mempaleleo langkaino roso-Miu.

Peluarakoa 19:1

Oleo amba-ambano wula ko'otolu umarido mpeluarako to Isaraeli inso i wita Masiri, mehawe ira i pada one Sinai.

Peluarakoa 19:11

Rangkuomo oleo ko'otolu impepatindamo, nde oleo ko'otolu Aku metii i arodo luwuno tongku andio i torukuno Sinai.

Peluarakoa 19:16

Umarino atuu gagiomo a oleo ko'otolu mo'oru, rundu, koliki ka seru mokapa i wawo ntorukuno saru unino tawuwua anu tedoa meroku, onaemo ka dompondidi-ndidi, luwuno mia anu kongko a mpekemaa.

Peluarakoa 19:9

Mepau Iramo i Ue ndi Musa, ”Onaemo pu'uno, Aku aiwa ndi omue a laro nseru anu mokapa, ka domerongeo tongku atuu ba Kupepau ndi omue, ka inso i ra'ai iramo mpe'ala-alako mpiha.” Tempono i Musa pauako Ira i Ue paudo tongku atuu,

Peluarakoa 20:18

Luwuno tongku atuu mensakosiio rundu bote, koliki pesosangki, tawuwua me'uni ka torukuno me'ahu. Medoito iramo tongku atuu mpondidi-ndidi ka mpentade ola-olai.

Peluarakoa 20:20

Sine ipotaeako ira i Musa tongku atuu, ”Si medoito, nde hawe-Do Ue Ala aiwa umarahako komiu ka dumoitoako Ira kongko mpiha a laro matamu ka simpoweweu hala.”

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Yesaya 38:19

Sine mia anu tuwu, oo butu koa mia tuwu anu moko'unde-unde komiu, kana ongkue oleo ndio; petenunu-Miu ipauakono ama a luwuno anano.

I LUKASI 1:50

Ka pompehohawa-Do mapa'api-api inule a mia anu doitoako Ira.

Winali 11:19

Asalakono imempaguruako ira anamiu saru mempopauo ba impentoro i rahamiu ka ba kontongaamiu pelempa, ba mpepombole komiu ka ba impewangu.

Winali 12:1

”Ndiomo pompakosi ka atora anu asalakono impetenunu meweweuo i wita anu Doweeakomiu i Ue, Ue Alado uempu'umiu kai mpe'ueo, asa ntinuwumiu i wawontolino i wita atuu.

Winali 14:23

I aro-Do i Ue, Ue Alamiu, a mpo'ianga anu Ira binikio kai po'ia nee-Do i ra'ai, asalakono imengkaano tia hopulu inso a gandu, anggoro, ka lanamiu, ka mbo'u ana amba-ambano sapi ka asa bawaa bembe bimbamiu, kai mpepaguru doitoako Ira mpiha i Ue, Ue Alamiu.

Winali 17:19

Wunta atuu asalakono kongko i horino ka asalakono ibasao asa ntinuwuno, kai pepaguru doitoako Ira i Ue, Ue Alano, me'ini a luwuno songka ka pompakosi andio, kai weweuo.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 5:2

Ondae i Ue, Ue Alato Dowutuomo pedandia saru ontae i Torukuno Hore.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

MENGKAAA 19:5

Ka terongeomo aasa suara inso a ngkadera poparentaa atuu, ”Unde-unde Iramo Ue Alato, hei omiu luwuno tetenaa-Do, omiu anu medoitoako Ira, moiko kodei maupo langkai!”

1 Samueli 12:24

Butumo koa, imedoitoako Iramo i Ue ka impetenunu mpesomba ndi Ondae ia tompaano aroamiu. Hangano, kitaomo tedoa langkai wineweu-Do ndi omiu.