Winali 34:4 - Wunta Mempori

⁴ Mepau Iramo i Ue ndi onae, ”Onaemo andio wita anu Kudandiakono sumpa ndi Burahima, ndi Saki, ka ndi Yako, kanandio: ’A inulemiumo Aku weengakono wita atuu.’ Kupo'ineeko kumitaakono matamu, sine nahi komesakiako raane.”

Winali 34:4 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 13:15

Hangano, luwuno wita anu kinitamu atuu, Aku weeakomu ka inulemu ranta nahina tampulaano.

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

Podoaa 20:12

Sine mepau Ira i Ue ndi Musa ka ndi Haruni, ”Hangano nahi ipe'ala-ala Aku ka nahi pelangkaio mempori-Ku i arodo to Isaraeli, onaemo pu'uno nahi komiu wawa ira bawaa andio mpewinso a wita anu Aku weeako ira.”

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

Winali 1:37

Maupo ndi ongkue, tekuda Ira i Ue hangano omiu, ka mepau Ira, ”Omue mbo'u nahi komewinso i ra'ai.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 32:52

Omue moiko ukitao wita atuu tepadindi i aromu, sine nahi moiko upewinso i ra'ai, i wita anu Kuweeako ira to Isaraeli.”

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

Puu Mpobitara 1:16

Inuleno i Hoba, oleono i Musa, mia i Keni atuu, melako mperonga-rongaako ira inuleno i Yehuda inso i Kota Keu Kuruma ia pada one Yehuda i Wita Nege umpeda Ara; mpo'ia ira i ra'ai mpesaloako ira palili i ra'ai.