Winali 33:9 - Wunta Mempori

⁹ Onae anu motae mongkona ama ka ineno, ’Nahi kuperio ira.’ Onae anu nahi behe tumo'ori ira pepaekompono ka nahi perio ira anano. Sine to Lewi mpekariao pau-Miu ka mpe'ini a mpedandia-Miu.

Winali 33:9 ပူးပေါင်းရင်းမြစ်များ

Tegagia 29:32

I Lea mentia, ka ipe'anaakono asa ana ntama, ineeakono i Rube, hangano ipotae, ”Menteeano Dokitaomo i Ue marasaiku; kanandio-andio manasa tamo kumekewoi aku tamaku.”

1 Tawarika 17:17

Mongkona andio mbo'u da makura a pongkita-Miu, oo Ue Ala, ranta mepau Komiu mbo'u mongkona somborino tetenaa-Miu a tempo anu da olai ka kumita aku kana mia anu maramba, oo Ue Ala.

Ayubi 37:24

Onaemo pu'uno mia medoito ndi Ondae; sompo mia anu motae onae hinao ponto'orino, nahi Doperioo.”

Po'unde-unde 119:57

Ondaemo i Ue tiaku, medandi aku me'ini a luwuno pau-Miu.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Imama 10:6

Ka i'amba motae i Musa ndi Haruni saru ndi Eleasa ka i Itamari, luwuno anano i Haruni, ”Siimo impo'inombo, mpo'ineeo wuumiu tekale ka berio sangkamiu, kasi memate ka luwuno bawaa andio Dotekudaako ira i Ue. Luwudo pepaekompomiu tongku Isaraeli ondaemo anu asalakono mpengese hangano api anu pinokomelanga-Do i Ue atuu.

Imama 21:11

Siimo i'umpedaakono luwuno wata ngkoroi, tendeano onae si pokomokoburuo koroino hangano wata ngkoroino amano ke ineno.

I MATIU 10:37

Ba isema mehohawao ama ke ineno laluaopo sekono ndi Ongkue, nahi pototono ndi Ongkue; ka ba'isema mehohawao anano tama ke beine laluaopo sekono Ongkue, nahi pototono ndi Ongkue.

I MATIU 12:48

Sine sumangki Ira i Yesu a mia anu mompohawe lele atuu ndi Ondae, ”Isema ine-Ku? Ka isema pepaekompo-Ku?”

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I LUKASI 14:26

”Tewala asa mia aiwa ndi Ongkue ka nahi o'aliaakono amano, ineno, beineno, anano, pepaekompono tama ke beine, maupo penaano onaeno, nahi ta polio gagi ana guru-Ku.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

1 TESALONIKA 2:4

Tendeano, hangano Dopetekona kamimo Ue Ala ka kimempine'ala-alaako Lele Mawongkoa, onaemo pu'uno ka kimpepau, komba mokomawongko ira mia, tendeano mokomawongko Ira Ue Ala anu umara-arahakono aroato.

1 TIMOTIU 5:21

I aro-Do Ue Ala ka i Kerisituu ka luwuno mala'eka bininiki-Do ku'oliwiko ntu'u: pe'ihilaroomo pontiso andio si danggara ka weweuomo luwuakoano si po'ala-alaako.