8 Mongkona i Lewi, ipotae, ”Po'ineeomo Tumimi ka Urimi-Miu gagi tiano mia pinehohawa-Miu, anu umariomo I'arahakono i Masa. Omiu teposangki saru onae umpeda mata uwoi Meriba.
Maupo isema nahi moiko mewinsokio raha-Do i Ue, sangkadio sando mpesomba ka to Lewi anu mpo'angga. Ondae moiko dompewinso hangano ondae mempori, sine luwuno palili asalakono mentondao atora-Do i Ue.
Topoparenta i wita atuu, umonto ira mbo'u mpongkaa inso a mpesomba tedoa mempori, ranta hinao asa sando mpesomba mesikeno ndi Ondae i Ue, mompake Urimi ka Tumimi.
Ka ku'amba motaeako ira, ”Omiu mempori ndi Ondae i Ue, ka luwuno parewa mbo'u andio mempori, salaka ka wulaa andio onaemo pesomba a moleono aroa, tia-Do i Ue, Ue Alado uempu'umiu;
Asalakono naao Urimi ka Tumimi i larono tutuwi rada po'alaa pomputusi, kai kongko oruano a radano i Haruni tempono ipewinso me'aro ndi Ondae i Ue. Asalakono iwawao mpiha i Haruni a radano parewa po'alaa pomputusi atuu a nto Isaraeli, i aro-Do i Ue.
Pompaguru anu mentee kongko a laro ngangano ka anu sala nahi hinawe a wiwino. A laro rodoa ka moleoa onae melempa meronga Ongkue ka hadio mia iweweuo mpepokule inso a wineweuno anu sala.
Ka i'amba motaeakono i Kora ka luwuno bawaa anu tumondao, ”Tisomo mo'oru Ondae i Ue Ira pauo isema mia-Do ka isema anu mempori, ka Ira umeheakono mia atuu umpeda ndi Ondae. Mia anu bininiki-Do Ira umeheakono umpeda ndi Ondae.
”I Haruni ta pinumpu a uempu'uno, hangano onae nahi ta mewinso a wita anu Kuweeako ira to Isaraeli, hangano orua komiu i'ewaiomo petena-Ku umpeda mata uwoi Meriba.
Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”
Mongkona luwuno kota anu komiu mpeweengakono inso a wita tiado to Isaraeli: inso a nsuku anu mehadio ira, asalakono impo'ala tehadio, ka anu tedei ira asalakono impo'ala tedei. Sompo suku asalakono mompeweengako a nto Lewi ba te'opia kota montonda hadiono tia pusakano anu tiniaako ndi onae.”
ka anu i pada one moweeakomiu mpongkaa mana, anu nahi domento'orio uempu'umiu, ka Doweweu komiu mpe'urumako ka Do'arahako komiu, poko'ariano butu Ira moweweu moiko ndi omiu.
Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,
”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.