Winali 33:16 - Wunta Mempori

¹⁶ ka anu lalu moiko inso i tolino saru ihino; saru mpo'ehe-Do i Ue anu kongko a laro rui. Po'ineeomo luwuno atuu metii a wawo uluno i Yusupu, a ntoro uluno mia bininiki i olono pepaekompono.

Winali 33:16 ပူးပေါင်းရင်းမြစ်များ

Tegagia 37:28

Mansado ntelalo puu mpebalu-balu Midia atuu, i Yusupu pinadii i wawono inso a laro nsumuru atuu, ka i'amba inasa a nto Sumaila atuu me'oli rua pulu sikala salaka. Ka do'amba mewawao i Yusupu i Masiri.

Tegagia 37:36

Kontongaano atuu i Yusupu dome'asao to Midia atuu i Masiri, ndi Potipa, asa mia langkai potorono ndi Pirao, petewawado anu mpodagai mokole.

Tegagia 37:8

Dompotae pepaekompono ndi onae, ”Nde mingkikoke gagi mokolemami? Nde mingkikoke pabawai kami?” Tekense dome'o'aliaakono hangano mo'ipino ka hangano pinauno atuu.

Tegagia 43:32

Ka i'amba pinatindaomo kaanga tiano i Yusupu pinesusua, tiado pepaekompono pinesusua ka tiado to Masiri anu mpongkaa meronga ondae atuu pinesusua. Hangano to Masiri nahi moiko dompe'asa mpongkaa saru to Ibarani, hangano anu kanatuu asa anu mokoburudo to Masiri.

Tegagia 49:26

Ronsono amamu lumaloio ronsono luwuno torukuno nahina tampulaano, ka anu memo'ahi a luwuno pongku anu mompu'u i ndi'upua. Luwuno atuu ta metii a wawo uluno i Yusupu, a wawo taku uluno mia bininiki inso i olodo pepaekompono.

Po'unde-unde 24:1

Penani po'unde-undeno i Daudi. Ondaemo i Ue anu me'ueo tolino saru luwuno ihino, saru luwuno anu mo'ia i larono.

Po'unde-unde 50:12

Tewala mokoninggo Aku, nahi paraluu Kupauakomu, hangano Ongkuemo me'ueo tolino ka luwuno ihino.

Po'unde-unde 89:11

Omiumo anu piregoo i Rahabi kana mia anu monsumbele, saru kae-Miu anu moroso sumiarawoo iwali-Miu.

Peluarakoa 2:2

ka i'amba beine atuu mentia ka ipe'anaakono asa ana ntama. Mansano kumitao motae nana'ote atuu tekosi, iwunio otolu wula tehineno.

Yeremia 8:16

”Pewunsulino ngarado iwali inso i Dani; hangano pekiilino ngara lakinodo mondidi-ndidiomo asa wawontolino. Ondae me'aiwa ka mengkaano pingko wita ka luwuno ihino, kota saru palilino.

Podoaa 26:28

Inuleno i Yusupu montonda sukudo, onaemo to Manase ka to Eparai.

I MARAKUSU 12:26

Ka mongkona mbo'u pewangudo mia mate, nahi mebasao a wuntano i Musa, a laro ntutulu mongkona ntonga rui, kana'umpe unino pau-Do Ue Ala ndi onae: Ongkuemo Ue Alano i Burahima, Ue Alano i Saki ka Ue Alano i Yako?

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

WINEWEUDO TINENA 7:35

I Musa andio, anu nahi domperorongeakono, ka dompotae: Isemake anu motoroko gagi petewawa ka puu mpobitara? – I Musa koa mbo'u andio anu Dotenaomo Ue Ala mesala a mala'eka gagi petewawa ka anu mongkadudui, anu mepopokita Iramo ndi onae a ntonga ewo rui atuu.

1 KORINTI 10:26

Hangano, ”Tolino ka luwuno ihino Ondae i Ue me'ueo.”

1 KORINTI 10:28

Sine tewala asa mia motaeakomiu, ”Pesomba a lahumoa atuu!” si kaano, hangano onae anu pauakomu ka hangano kabaratano aroa.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,