Winali 33:14 - Wunta Mempori

¹⁴ saru hasili anu lalu moiko inso a mata oleo, ka pinopaho anu lalu moiko inso a wula;

Winali 33:14 ပူးပေါင်းရင်းမြစ်များ

2 Samueli 23:4

onae mewanta kana towea i tempono mo'oru, mo'oru anu nahi menseru, anu ba umari usa weweuo tesosangkilo ewo mongura i wita.

Po'unde-unde 104:19

Wula Ipokogagiomo potantui tempo, mata'oleo ito'orio tempo sumooano.

Po'unde-unde 74:16

Omiumo me'ueo meene, Omiu koa mbo'u me'ueo wongi. Omiumo anu monaa pompokomewanta ka mata'oleo.

Po'unde-unde 8:3

Inso a ngangado nana'ote kodei ka nana'ote anu mo'uo Iwanguomo roso a mia anu umewai Komiu, mokompenaa-naao iwali ka anu monaa-naa aroa.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Imama 26:4

Aku moweeakomiu usa ia tempono, ranta wita atuu mompowee hasilino ka keu a lere mompowee wuano.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 5:45

Hangano anu kanatuu omiu megagi luwu ana-Do Amamiu anu i suruga, anu mosabao mata oleo tiado mia anu mpoweweu mosa'o ka mia anu mpoweweu moiko ka motiio usa tiado mia anu mentee ka mia anu nahi mentee.

WINEWEUDO TINENA 14:17

sine komba nahi Dopepokomengkaa a mperupa-rupa wineweu moiko, onaemo Dopotiio usa inso i langi ka Dopoweeakomiu tempo mewalo ndi omiu. Dopokotendeakono kaanga ka mawongkoa aroamiu.”

Winali 28:8

Ondae i Ue Ira parentao poronso-Do i wawomiu ia nsi'emiu ka i luwuno inangano kaemiu. Ira rumonso komiu i wita anu Doweeakomiu i Ue, Ue Alamiu.

Winali 33:13

Mongkona i Yusupu ipotae, ”Po'ineeomo witano Doronsoakono i Ue uwoi tontoru anu lalu moiko inso i langi, ka tahi malua anu mo'ia i totono;

Winali 33:15

saru anu ko'aasa inso a luwuno torukuno nse'elu, anu moiko ntu'u inso a luwuno pongku wita anu nahi bali,

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

MENGKAAA 22:2

I tonga-tongano batatanano kota atuu, onaemo a mompombali wiwi ngkorono atuu, hadio keu tuwua anu mewua pempulu ka orua, sompo-sompo wula pohona; ka leweno keu atuudo pinake mompokotompa luwuno tongku.