Winali 33:10 - Wunta Mempori

¹⁰ Dopaguruako ira atora-Miu ndi Yako, songka-Miu a nto Isaraeli; mponaa ira pesomba anu mana mo'ahii aro-Miu ka pesomba anu tinunu luwu i wawono meda pontunua pesomba ndi Omiu.

Winali 33:10 ပူးပေါင်းရင်းမြစ်များ

2 Tawarika 26:18

ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

2 Tawarika 30:22

I Hisikia mohaweo luwuno pau mpo'unde-unde a luwuno to Lewi anu momoiko ntu'u a laro pompekakaako-Do i Ue. Kanandiomo mia dompongkaa kaanga oleo langkai atuu i larono opitu oleo, ka dompopesombaako pesomba tekaduduia ka po'unde-unde ndi Ondae i Ue, Ue Alano uempu'udo.

Esera 7:10

Hangano i Esera montooomo ta mepaguruakono ntu'u Taura-Do i Ue ka weweuo a laro ntumuwuno saru paguruako ira to Isaraeli pompakosi ka atora-Do.

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Po'unde-unde 51:19

Pesomba sinumbele ndi Ondae Ue Ala onaemo sumanga anu mopemasusa; aroa anu tedoa mopemasusa ka buke pe'o'ole nahi Komiu mokoburuakono, oo Ue Ala.

Yehesikieli 43:27

Umarino tampula luwuno oleo atuu, a oleo ko'oalu ka potilalono luwuno sando mpesomba ira menahuo luwuno pesomba tinunumu ka luwuno pesomba tekaduduiamu a wawo meda pontunua pesomba atuu ka Aku memoikoko, kanadiomo pau-Do Ue Ala.”

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Imama 1:13

Ihi kompono ka witino asalakono wino'ohiako uwoi. Luwuno dompesombaakono sando mpesomba ka tinunu i wawono meda pontunua pesomba. Onaemo pesomba tinunu, pesomba tinunuako api anu woono mokomawongkoo aroa-Do i Ue.

Imama 1:17

Asalakono isopio manu-manu atuu a mpu'u panino sine si teponsia. Ka i'amba sando mpesomba tumunuo i wawono meda pontua pesomba i wawono keu anu kontongaano melanga. Onaemo pesomba tinunu, pesomba tinunuako api anu woono mokomawongkoo aroa-Do i Ue.”

Imama 1:9

Ihi kompono ka witino asalakono wino'ohiako uwoi ka sando mpesomba tumunuo luwu i wawono meda pontunua pesomba, gagi pesomba tinunu anu woono mokomawongkoo aroa-Do i Ue.

Imama 10:11

kai paguruako ira to Isaraeli luwuno pompakosi anu Dopauako iramo i Ue ndi ondae telalo ndi Musa.”

Imama 16:12

Onae asalakono mo'ala pontunua anu bukeako waro api inso i wawono meda pontunua pesomba anu i aro-Do i Ue, saru asa raku buke dupa mo'ahi woono anu ginili ranta motutu, ka i'amba wawao mewinso i bungkuno pelingo.

Imama 16:13

Ka i'amba asalakono numaao dupa atuu a wawo api i aro-Do i Ue, ranta ahuno dupa atuu tumutuwio tutuwino pesintuwua anu i wawono songka-Do Ue Ala, kasi imate.

Hagai 2:11

A ntanggala rua pulu ka opaa wula ko'osio, ta'u anu ko'orua poparentaano i Dariusu, haweomo pau-Do i Ue ndi nabi Hagai, kanandio,

Hagai 2:12

”Kanandiomo pau-Do Ueno luwuakoano atuu: Pesikenoakonomo a luwuno sando mpesomba pompaguru andio:

Podoaa 16:40

Mongkona atuu gagi petondoni a nto Isaraeli, kasihina mepopokita mia biasa anu komba inso a inuleno i Haruni anu montunu dupa i aro-Do i Ue, ka onae kasi gagi kana i Kora ka bawaa anu tumondao. Kanandiomo iwineweu kana anu pinau-Do i Ue telalo ndi Musa.

Podoaa 16:46

Mepauomo i Musa ndi Haruni, ”Alaomo pontunua halo, naaomo api i larono inso i wawono meda pontunua pesomba ka ponaakono dupa. Lakomo pontuturako a bawaa ka weweuako iramo pesintuwua, hangano tensingkaomo tekuda-Do i Ue, ka pohuku mompu'uomo.”

Podoaa 7:50

asa sangkiri, hopulu sikala wulaa mobeano, me'ihi dupa;

Winali 24:8

Impedagai mongkona a haki kuli anu mesaki ka weweuomo tementee luwuno anu dopaguruakomu sando mpesomba to Lewi. Hapa anu kuparentaa komiu, asalakono impetenunu meweweuo.

Winali 27:14

Ka i'amba luwuno to Lewi ira mpepau meroku ka mpotaeako ira luwuno to Isaraeli,

Winali 33:11

Ironsoomo, oo Ue, rosono ka Ipekonaomo inanggano. Ipuroakonomo lompeno mia anu umewaio ka anu umo'aliaakono, ranta nahi dompoko mpentade.”

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

IBARANI 9:24

Hangano Ondae i Kerisituu komba mewinso Ira a mpo'ianga mempori wineweuno kaeno mia anu butu koa gambarano inso anu menteeano, sine i laro nsuruga isa'a Dotepo'aroako Ira Ue Ala hangano ontae.

1 Samueli 2:28

Kubinikiomo inso a luwudo tongku Isaraeli gagi sando mpesomba anu mompesombaako pesomba ndi Ongkue a wawo meda pontunua pesomba, montunu dupa, ka melembaako lemba epo i aro-Ku. Kuweeako iramo inulemu luwuakoano pesombado to Isaraeli anu tinunu a api.