Winali 33:1 - Wunta Mempori

¹ Ndiomo ronso anu iweeako ira i Musa, tetenaa-Do Ue Ala atuu, a nto Isaraeli se'eluno imate.

Winali 33:1 ပူးပေါင်းရင်းမြစ်များ

Tegagia 27:4

Nahuakunemo kaanga anu mo'ahi kana anu ineheku, umarino atuu wawaomo ndi ongkue ka kukaano, ka kuronsoko se'eluno napi kumate.”

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Tegagia 49:28

Onaemo atuu luwuno suku Isaraeli, hopulu ka orua porokono. Kanandiomo anu pinauno amano ndi ondae. Singge mia ironsoakono ronso anu lano tiado.

1 Mokole 13:1

Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 13:6

Ka i'amba i mokole motaeakono nabi atuu, ”Po'emamo pompehohawa-Do Ue, Ue Alamu ka pekakaiakunemo, ka kupokompokuleo mbo'u kaeku.” Nabi atuu mo'emaomo pompehohawa-Do i Ue, ka i'amba kaeno mokole atuu ipokompokuleomo kana se'eluno.

1 Tawarika 23:14

Luwuno anano i Musa, tetenaa-Do Ue Ala atuu, wininso a laro nsuku Lewi.

2 Tawarika 8:14

Menunu saru po'atorano i Daudi, amano, ipakosio bawaado sando mpesomba a mpo'anggaado, ka luwuno to Lewi a anggaa mpenaniako po'unde-unde ka mpoweweu pesomba i arodo luwuno sando mpesomba montonda anu tinantui sompo oleo; kanandio koa mbo'u a sompo bawaado puu mpodagai pewowa langkai. Hangano kanandiomo parentano i Daudi, tetenaa-Do Ue Ala.

Po'unde-unde 90:1

Pekakaino i Musa, tetenaa-Do Ue Ala. Ue, Omiumo pepekaduduiamami mapa'api-api inule.

Yeremia 35:4

Kuwawa ira a Raha-Do i Ue, a laro bolongkodo anano i Hanani anano i Yigadalia, tetenaa-Do Ue Ala. Onaemo atuu bolongko anu i asambalino bolongkodo mia pinemota'u, i wawono bolongkono i Maaseia anano i Salumi, puu mpodagai pewowa.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

1 TIMOTIU 6:11

Sine omue hei mia-Do Ue Ala, olaiakonomo luwuno atuu, ungkeomo moleoa, pesomba, petenunua, pompehohawa, pompedato ka mauru.

2 TIMOTIU 3:17

Hangano kanandio sompo-sompo mia-Do Ue Ala pinatinda tiano sompo poweweu moiko.

Yosua 14:6

Hawe iramo inuleno i Yehuda ndi Yosua i Giliga. I tempo atuu mepauomo i Kalebi anano i Yepune, mia i Kenasi atuu ndi onae, ”Uto'orio pau anu pinau-Do i Ue ndi Musa, mia tinena-Do i Ue Ala, mongkona ongkue ka omue i Kadesi-Baranea.

2 PETURU 1:21

hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.

Puu Mpobitara 13:6

Ka i'amba beine atuu tepohawekono tamano ka ipotae, ”Haweomo ndi ongkue asa tetenaa-Do Ue Ala, rupano kana rupa mala'eka-Do Ue Ala, tedoa mongkokodoito. Nahi kusikenoo ba isua insoano, ka onae koa mbo'u nahi pauo neeno ndi ongkue.

1 Samueli 2:27

Asa nabi hawe ndi Eli ka ipotae ndi onae, ”Kanandiomo pau-Do i Ue: I tempono ue mpu'umiu da ipabawai ira i Pirao i Wita Masiri, mepopoto'ori Akumo ndi ondae.