Winali 32:6 - Wunta Mempori

⁶ Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

Winali 32:6 ပူးပေါင်းရင်းမြစ်များ

2 Samueli 7:24

Ipokoroso iramo bawaa-Miu Isaraeli gagi bawaa-Miu ranta nahina tampulaano, ka Omiu, oo Ue, gagi Ue Alado.

Ayubi 10:8

Kae-Miumo anu mokogagio ka weweu aku, sine lembuino mewolili Komiu ka mingki mepate aku?

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 116:12

Kana'umpe aku sumuloo ndi Ondae i Ue luwuno poweweu-Do anu moiko ndi ongkue?

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 74:18

Irambeomo kana'umpe domentatao iwali nee-Miu, oo Ue, ka tongku anu monge-monge atuu mpepaukiakono.

Po'unde-unde 74:2

Irambe iramo bawaa-Miu anu hinawe-Miu a tempo se'eluno anu tinolosi-Miu gagi tongku pine'ue-Miu! Irambeomo Torukuno Sioni anu pino'iangari-Miu.

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Peluarakoa 15:16

Doitoa ka mongkokongiria umalu ira, Hangano rosono kae-Miu mansa ira merodo kana watu, ranta bawaa-Miu mpe'asatowaako, oo Ue, ranta bawaa anu tinolosi-Miu mpe'asatowaako.

Peluarakoa 4:22

Gagi asalakono pauakono i Pirao: Kanandiomo pau-Do i Ue: I Isaraeli onaemo ana-Ku anu tama, ana-Ku anu aka;

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 43:1

Sine kanandio-andio, kanandiomo pau-Do i Ue anu mokogagiko, hei Yako, anu weweuko, hei Isaraeli, ”Siimo doito, hangano Kutolosikomo, Kupoboikomo a neemu, omue onaemo mia-Ku.

Yesaya 43:7

luwuno mia anu pinau mompake nee-Ku anu Kupokogagio tiano maramba-Ku, anu Kuweweuo ka Kupokogagio mbo'u!”

Yesaya 44:2

Kanandiomo pau-Do i Ue anu mokogagiko, anu weweuko mompu'u inso a laro mpe'anakaa ka anu tumulungiko: Siimo doito, hei tetenaa-Ku i Yako, ka hei Yesiuruni anu Kubinikiomo!

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Yesaya 64:8

Sine kanandio-andio, oo Ue, Omiumo Amamami! Omami andio wita pulu ka Omiumo anu weweu kami, luwumami onaemo wineweuno kae-Miu.

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 5:21

”Rongeomo andio, hei tongku anu monge-monge ka nahina akalano, anu hinao matano, sine nahi pongkita, anu hinao birino, sine nahi poronge!

Hosea 13:13

Pompemahaki me'ana mese'elungio hinaano, sine onae nana'ote anu nahi ponto'ori mompewowolo; mansano haweako tempono, onae nahi behe meluarako inso a mpe'anakaa.

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

I YOHANE 8:41

Omiu meweweuo wineweudo amamiu.” Mesangki ira, ”Omami komba anado anu mpososabo. Amamami aasa, onaemo Ondae Ue Ala.”

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

1 KORINTI 6:20

Hangano me'inoli komiumo ka olino lesoomo inowahi: Onaemo pu'uno ka impelangkaiako Ira Ue Ala koroimiu!

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

Winali 1:31

ka i pada one. I ra'aimo imengkitao nine Ondae i Ue, Ue Alamiu baba komiu kana asa mia mobaba anano, asangkeu sala anu tinondamiu, ranta kai mehawe a mpo'ianga andio.”

Winali 14:1

Omiumo ana-Do i Ue, Ue Alamiu; si mensosorekio koroimiu ke mengkeruo wuu i wawono ra'imiu hangano mateno asa mia.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

Winali 32:28

Hangano ondae atuu asa tongku nahina pontimbanga; nahina ponto'orido.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.