Winali 32:41 - Wunta Mempori

⁴¹ tewala Ku'ahao ponai-Ku anu tesosangkilo, ka kae-Ku mo'ini pohukua, Aku koa mombalo tinoo a iwali-Ku ka humuku ira anu umo'aliaa-Kune.

Winali 32:41 ပူးပေါင်းရင်းမြစ်များ

Po'unde-unde 149:9

ka dohuku ira kana anu teburi. Onaemo atuu pelangkaido luwuno mia anu pinehohawa-Do! Haleluya!

Po'unde-unde 31:23

A laro sala-laroku hori aku mepau, ”Tinadi akumo inso i aro-Miu.” Sine menteeano Omiu rumongeo po'emaku, tempono kupebooli ndi Omiu mepetulungi.

Po'unde-unde 7:12

Ondae Ue Ala onaemo puu mpobitara anu moleo ka Ondae Ue Ala anu tekuda sompo tempo.

Po'unde-unde 7:13

Tewala mia nahi tepidi, Do'ahao ponai-Do, Dodiio pana-Do ka mepana.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 1:24

Ondaemo pu'uno, kanadiomo pau-Do i Ue, Ondae Ueno luwuakoano, Anu Tedoa Moroso, Puu Pongkaduduido to Isaraeli; ”Petangkoro, Aku motiio tekuda-Ku a luwuno iwali-Ku, ka mombalo a luwuno iwali-Ku.

Yesaya 27:1

I tempo atuu Ondae i Ue Ira weweuo pohuku mompake ponai-Do anu montaso, langkai ka moroso a Lewiata, ule anu molore, a Lewiata, ule anu monggelo-nggelo, ka Ira mepateo ule naga anu a ntahi.

Yesaya 59:18

Menunu saru wineweudo, kanandiomo Dopompowee pombaloa: mokulano tekuda-Do a luwuno iwali-Do, pohuku a luwuno iwali-Do; maupo a luwuno togo anu olai Dopoweeakono pohuku.

Yesaya 66:16

Hangano, Ondae i Ue Ira humukuakono api ka ponai-Do luwuno anu tuwu, ka hadioomo mia anu mate pinepate-Do i Ue.

Yesaya 66:6

Rongeo, suara tewukaa inso a ngkota, rongeo, haweno inso a Raha Mempori! Rongeo, Ondae i Ue mombalo a luwuno iwali-Do!

Yeremia 44:26

Onaemo pu'uno, rongeomo pau-Do i Ue, hei luwuno to Yehuda anu mpo'ia i wita Masiri: Menteeano, mesumpa Akumo a nee-Ku anu langkai, pau-Do i Ue, nee-Ku nahi ta mebooliakono mbo'u maupo te'asa to Yehuda a luwuno wita Masiri, ka dompotae, ’A Nee-Do Ue Ala anu tuwu!’

Yeremia 50:18

Onaemo pu'uno, kanandiomo pau-Do Ueno luwuakoano, Ue Alado to Isaraeli: Menteeano, Aku humukuo mokole i Babeli ka witano, kana Kuhukuomo mokoledo to Asuri.

Yeremia 50:28

Rongeo! Luwuno anu Mpolai ka mia anu mentola inso i wita Babeli aiwa mempauo i Sioni mongkona pombalo-Do i Ue, Ue Alato, pombaloa hangano Raha Mempori-Do.

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Yehesikieli 21:20

Gambaraomo inso a nsala isua ponai atuu aiwa umewaio Raba, ineno kotado inuleno i Amoni ka umewaio Yehuda, anu benteno kongko i Yerusale.

Yehesikieli 25:14

Saru kaedo bawaa-Ku Isaraeli Aku weweuo pombalo-Ku ndi Edomi. Ira meweweuo Edomi menunu saru tekuda ka mokulano tekuda-Ku. Ka ira mento'orio nine Ongkuemo anu mombalo, kanandiomo pau-Do Ue Ala.”

Yehesikieli 32:10

Aku weweuo hadio tongku ntededengke hangano omue ka luwuno mokoledo ira mpondidi-ndidi hangano omue, tempono Kupebatu-batuako ponai-Ku i arodo. Ondae singge mia ta doitoakono mpiha tuwuno a oleo pokotompaamu.

Nahumi 1:2

Ondae i Ue atuu Ue Ala anu meposiri ka puu mpombalo, Ondae i Ue atuu puu mpombalo ka bukeako tensilano tekuda, Ondae i Ue atuu puu mpombalo a luwuno anu umewai Ira ka monaa aroa a luwuno iwali-Do.

Sepanya 2:12

Omiu mbo'u, hei to Etiopia, komiu memate tetoboako ponai-Ku.

Podoaa 10:35

Sompo ipelungka burua pedandia atuu, motae i Musa, ”Ipentademo oo Ue, ka dontesiarawo iwali-Miu ka luwuno mia anu umo'aliaa-Komiu mpolai inso i aro-Miu.”

I MARAKUSU 1:2

Kana hinao teburi a wuntano Nabi Yesaya, ”Kitaomo, Kutenao tinena-Ku mese'elungi-Komiu, onae ta patindao pesalaa-Miu;

ROMA 1:30

Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

Winali 5:9

Si mpenggolontu mpelangkaio ke mpesomba ndi onae, hangano Ongkue Ue, Ue Alamiu, onaemo Ue Ala anu monsiri, anu mombalo salano ama a luwuno anano hawe a inuleno ko'otolu ka ko'opaa inso a luwuno mia anu umo'aliaaKune.

Winali 7:10

Sine a mia anu umo'aliaako Ira, Ondae mombaloako pompepate ndi ondae. Nahi Doponaa-naa ka Doweweuo pombaloa a mia anu umo'aliaako Ira.

2 TIMOTIU 3:4

inehedo mpohapu pedandia, nahi dompompewowolo ondau, mpompeto'o-to'ori, laluaopo domentondao po'eheno aroado sekonopo tumonda Ira Ue Ala.