Winali 32:4 - Wunta Mempori

⁴ Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

Winali 32:4 ပူးပေါင်းရင်းမြစ်များ

Tegagia 1:31

Dokitao Ue Ala luwuno anu pinokogagi-Do atuu, mengkaa tedoa moiko. Ka i'amba gagiomo ngkiniwia ka gagiomo mo'oru; onaemo oleo ko'onoo.

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

2 Samueli 22:47

Ondae i Ue tuwu! Unde-undeomo torukuno watuku, ka Dopinelangkaimo Ue Ala torukuno watu tekaduduiaku,

2 Samueli 23:3

Ondae Ue Alado Isaraeli mepau, torukuno watu Isaraeli mepau ndi ongkue: Tewala asa mia moparenta mia a moleoano, moparenta ka doitoako Ira Ue Ala,

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Nehemia 9:8

Ihaweo aroano metenunu ndi Omiu ka Komiu mowutu pedandia saru onae, Komiu weeako ira inuleno witado to kana'a, to Heti, to Amori, to Perisi, to Yebusi ka to Girigasi. Umariomo I'ihiio dandi-Miu, hangano mentee Komiu.

Ayubi 34:10

Onaemo pu'uno, omiu mia anu molino pinewowolomiu, ronge akumo: Ondae Ue Ala nahi Ira moweweu anu mosa'o, ka Anu Tedoa Pabawa moweweu molengku.

Ayubi 35:14

Tamoako mbo'u tewala omue motae nine nahi ukita Ira, nine teweweumu winawaomo i aro-Do, sine omue da sumisikori Ira!

Ayubi 36:23

Isema ta tumantuio sala-Do, ka isema mosia mepau: Moweweu Komiumo molengku?

Ayubi 8:3

Menteeke Ondae Ue Ala melengkuakono moleoa? Menteeke Anu Tedoa Pabawa melengkuakono menteea?

Po'unde-unde 100:5

Hangano Ondae i Ue atuu moiko, pompehohawa-Do ranta nahina tampulaano, ka mentee-Do kongko mpiha mapa'api-api inule.

Po'unde-unde 138:8

Ondae i Ue Ira moko'umariakune luwuakoano! Oo Ue, pompehohawa-Miu nahi bali ranta nahina tampulaano; si bintao wineweuno kae-Miu!

Po'unde-unde 145:17

Ondae i Ue atuu moleo a luwuno poweweu-Do ka buke pompehohawa a luwuno wineweu-Do.

Po'unde-unde 146:6

Ondae anu mokogagio langi ka tolino, tahi ka luwuno ihino; anu nahi bali petenunu-Do ranta nahina tampulaano,

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 18:46

Mia mehawe mpondende aroado ka mpeluarako inso a bantedo saru mpondidi-ndidi.

Po'unde-unde 19:7

Inso i tompano langi onae mesabaako, ka ipelempa hawe i tompano anu susua; nahina anu te'engoi inso a ntedoa mokulano.

Po'unde-unde 31:5

Iluarako akumo inso a buani anu dompota'oakune mia, hangano Omiumo pepekaduduiaku.

Po'unde-unde 33:4

Hangano pau-Do i Ue atuu mentee, luwuakoano Do'anggaakono petenunu.

Po'unde-unde 78:35

domerambeo nine Ondae Ue Ala onaemo torukuno watudo, ka nine Ondae Ue Ala Anu Tedoa Mantande onaemo Puu Pontolosido.

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Po'unde-unde 90:16

Po'ineeomo wineweu-Miu tengkita a luwuno tetenaa-Miu, ka maramba-Miu a luwuno anado.

Po'unde-unde 92:15

Maupo tempono mota'u da mpewua ira, madoo mpiha ka moroso,

Po'unde-unde 97:2

Seru ka wongi-wongi lumimbu Ira, moleoa ka songka onaemo empehino kadera poparentaa-Do.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Puu Pontutulu 3:14

Kuto'orio nine luwuakoano anu wineweu-Do Ue Ala ta kongko mpiha ranta nahina tampulaano, nahi pinokotiangi ke pinokura. Ondae Ue Ala weweuo kanatuu ka idoito mia ndi Ondae.

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 25:1

Oo Ue, Omiumo Ue Alaku; aku melangkai Komiu, umunde-undeo nee-Miu, hangano Iweweuomo luwuno tinoo-Miu anu kinohali-haliako, anu mompu'u i ndi'ipua pine'ala-ala ka moroso.

Yesaya 26:4

Pe'ala-ala Iramo mpiha i Ue, hangano Ondae Ue Ala onaemo torukuno watu anu nahina tampulaano.

Yesaya 28:16

Onaemo pu'uno, kanandiomo pau-Do i Ue Ala, ”Menteeano, Kupontoroo asa watu i Sioni gagi pundasino, asa watu anu moroso, watu siuno anu masuli olino, asa pundasi anu moroso: Isema anu mompe'ala-ala, nahi ta danggara!

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yesaya 32:2

ondae singge mia ta kana po'ianga mererei a angi ka po'ianga mererei a angi mokora, kana waaano uwoi a motu'iano, kana po'engoino asa watu langkai a wita anu londa.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Habaku 1:12

Kombake mompu'u i ndi'ipua Omiu Ue, Ue Alaku anu tedoa mempori? Nahi kami memate. Oo Ue, ondae Ipakosi iramo ka dompohuku. Oo Torukuno Watu Ipakosi iramo ka domposepi.

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Sepanya 3:5

Sine Ondae i Ue atuu moleo i tonga-tongano, nahi Dopoweweu anu mosa'o. Mo'oru me'eu mo'oru Ondae mompowee songka-Do; i tempono saba oleo nahi Dohori menaa-naa. Sine mia lambaha nahi ponto'ori mokoko'ii!

I MATIU 5:48

Onaemo pu'uno asalakono ka imemempori, mengkena kana mempori Amamiu anu i suruga.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 5:22

Ondae i Ama nahi Dobitarao maupo isema, tendeano Dopeweengakono pobitaraa atuu ndi Ondae i Ana,

ROMA 1:32

Hangano maupo domento'orio luwuno anu po'eheno songka-Do Ue Ala, onaemo nine sompo mia anu weweu ira anu kanandio, tekona ihinuku mate, ondae komba butu meweweuo ondaedo, sine dompemoiko ira koa mbo'u anu meweweuo.

ROMA 2:2

Sine tomento'orio, nine pohuku-Do Ue Ala pinotii a menteeano ndi ondae anu mpoweweu kanatuu.

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

ROMA 3:5

Sine tewala nahi menteeto mokomengkaao mentee-Do Ue Ala, hapake kita mpotae? Nahi Domoleoke Ue Ala – mia aku kupotae – tewala Dopopokitao rupa-Do?

1 KORINTI 10:4

ka luwudo mpo'inu inua rohani anu mengkena, hangano mpo'inu ira inso a watu manaha rohani anu tumonda ira, ka watu manaha atuu onaemo Ondae i Kerisituu.

Winali 10:18

Ondae mo'alaako tiado nana'ote nahina amado ka tuwu beine ka mehohawa ira mia hawe saru moweeako ira kaanga ka sangka.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 4:12

Butu hiao aasa Anu moweweu songka ka Puu Mpobitara, onaemo Ondae anu pabawa mongkadudui ka mompepate. Sine isemake omue, ranta ka ubitarao pe'asa miamu?

1 PETURU 2:6

Hangano hinao teburi, ”Menteeano, Kunaao i Sioni aasa watu anu tebiniki, aasa watu siuno anu masuli olino, ka isema anu me'ala-ala Ira, nahi ta pinokoko'ii.”

1 Samueli 2:2

Nahina anu mempori kana Omiu Ue, hangano nahina anu susua sangkadio Omiu, ka nahina pepekaduduia anu moroso kana Ondae Ue Alato.