Winali 32:39 - Wunta Mempori

³⁹ Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

Winali 32:39 ပူးပေါင်းရင်းမြစ်များ

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 5:7

Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

Nehemia 9:6

”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Ayubi 10:13

Sine ndiomo anu winuni-Miu i laro aroa-Miu; kuto'orio nine onaemo andio tinoo-Miu:

Ayubi 10:7

kahinaano Ito'orio nine nahina salaku, ka nahina maupo te'asa mia mokompotola aku inso a ngkae-Miu?

Ayubi 5:18

Hangano Ondae anu belaio, sine Ondae koa mbo'u anu waluo; Ondae anu tumunduhio, sine kae-Do koa mbo'u anu mokotompao.

Po'unde-unde 102:27

Luwuno atuu ta tampula, sine Omiu kongko mpiha, ka luwuno atuu ta gagi mowuru kana sangka, kana lemba I'eu ira, ka do'amba mentinadi;

Po'unde-unde 102:28

sine Omiu nahina tampulaano, ka tuwu-Miu nahina tompaano.

Po'unde-unde 18:31

Pesalaa-Do Ue Ala atuu nahina makurano; dandi-Do i Ue atuu inarahakoomo; Ondaemo kantano luwuno mia anu mpepekadudui ndi Ondae.

Po'unde-unde 50:22

Pekokoongakonomo andio, hei omiu anu kumolupe Ira Ue Ala; ka si Kupomperangkami, ka nahina anu motolao.

Po'unde-unde 51:8

Menteeano, Omiu memoikoo moleo aroa, ka nahi teto'ori Omiu pauakune ponto'ori anu mentee.

Po'unde-unde 68:20

Inunde-unde Iramo i Ue! Oleo me'eu oleo Dotembiakita tinembito; Ondaemo Ue Ala tekaduduiato. Sela

Po'unde-unde 86:10

Hangano langkai Komiu ka weweu ira anu mengkinohali-haliako, butu koa Omiu Ue Ala.

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 4:7

Umarino atuu mepau Ira i Ue, ”Wali winsoo kaemu a laro lembamu.” Iwinsoo i Musa kaeno a laro lembano, mansano lumuarakono, kaeno atuu gagi tompa kana kuli ngkoroino anu mehano.

Puu Pontutulu 3:3

hinao tempo mompepate ka hinao tempo mompokotompa; hinao tempo mohoa ka hinao tempo mowangu;

Yesaya 19:22

Ondae i Ue Ira tumunduhi ira to masiri, Ira montunduhi ka mompokotompa; ka ira mpepokule ndi Ondae i Ue ka Ira uminduo pekakaido saru mokotompa ira.

Yesaya 30:26

Mewineno wulantii ta kana mewineno oleo mokula ka mewineno oleo mokula ta meluka opitu, kana mewine opitu oleo, i tempono Ondae i Ue waluo mobela langkaino bawaa-Do ka mokotompao mobela hanga mpetunduhia.

Yesaya 41:4

Isemake anu weweuo ka umanggao luwuno atuu anu inso i ndi'ipua moboi ira inule? Ongkue, Ue, anu tese'elu, ka saru ondae anu ntelembui; Ongkuemo Ondae.

Yesaya 43:10

”Omiumo sakosii-Ku,” kanandiomo pau-Do i Ue, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Yesaya 43:12

Ongkuemo anu pauo, mongkadudui ka paleleo; ka nahina pinesombai susua i olomiu. Omiumo sakosii-Ku,” kanandiomo pau-Do i Ue, ”ka Ongkuemo Ue Ala.

Yesaya 43:13

Ka a mpotilalono Ongkuemo Onae, ka nahina anu mokompotolao inso a ngkae-Ku; Ongkue weweuo, isemake anu moko'ontoo?”

Yesaya 45:18

Kanandiomo pau-Do i Ue, anu mokogagio langi; Ondaemo Ue Ala anu weweuo tolino, anu mokogagio ka kumorahakono; anu mokogagio komba ka imooa, tendeano weweuo ka ipino'iangari, ”Ongkuemo Ue ka nahina anu susua.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 45:5

Ongkuemo Ue ka nahina anu susua; sangkadio Ongkue nahina Ue Ala. Kupoweeakomumo parewa mpetea, maupo nahi uto'ori Aku,

Yesaya 46:4

Hawe tempo mota'umiu mengkena Aku mpiha ka hawe mopute wuumiu Kubaba komiu. Kupokogagi komiumo ka mekaria komiu mpiha; Aku tumembi komiu ka kumadudui komiu.

Yesaya 48:12

”Ronge Akumo, hei Yako, ka omue Isaraeli anu pinoboi-Ku! Ongkuemo anu mengkena mpiha, Ongkuemo anu tese'elu, Ongkue koa mbo'u anu telembui!

Yehesikieli 37:12

Onaemo pu'uno, pauomo anu ta gagi ka potaemo ndi ondae: Kanandiomo pau-Do Ue Ala: Mentee ntu'u, Ku'ungkahio luwuno kaburumiu ka wangu komiu inso i larono, hei bawaa-Ku, ka Aku wawa komiu i wita Isaraeli.

Yehesikieli 37:3

Mepau Ira ndi ongkue, ”Hei anano mia, polioke wuku andiodo wali pinotuwu?” Sumangki aku, ”Oo Ue Ala, Omiumo anu tumo'orio.”

Hosea 5:14

Hangano Ongkue andio kana singa ndi Eparai ka singa mongura a nsuku Yehuda. Ongkue, Ongkue-Ku anu momperangkami, umarino atuu lumako, Aku molaisakono ka nahina anu motolao.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

Winali 32:12

kanandiomo Ondae i Ue tumaateo bawaa-Do, ka nahina pinesombai susua merongaako ira.

Winali 4:35

Luwuno atuu pinopokita ndi omiu kai mento'orio nine Ondaemo i Ue, Ue Ala, nahina anu susua sangkadio Ondae.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

IBARANI 1:12

kana lemba meloe Komiu kupalulu ira, ka kana pe'anaa ira mebinali, sine Omiu mengkena mpiha, ka ta'u-Miu nahina tampulaano.”

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu:

1 Samueli 2:6

Ondae i Ue mompepate ka mompotuwu, ka Ondae mompotii a mpo'iangado mia mate ka mowuatako inso i ra'ai.