Winali 32:24 - Wunta Mempori

²⁴ Telusa ira hangano mokoninggo, memarasaiako biibi ka haki mesaki; Aku mompotola tinduno kondehora ndi ondae, ka ipono ule anu melele a pampawu.

Winali 32:24 ပူးပေါင်းရင်းမြစ်များ

Tegagia 3:14

Ka i'amba Ondae Ue Ala mepau a ule atuu, ”Hangano moweweukomo kanatuu, tetotonaakomo i olodo luwuno pinotuwu ka i olodo luwuno kondehora mo'ila. Omue komelempaako kompomu ka awu wita ta kaangamu asa ntinuwumu.

Tegagia 49:15

Tempono kumitao moiko ntu'u penaa-naaa atuu ka tedoa tekosi wita atuu, ilingkeo oweano ta montembi, ka gagi ata mo'angga dinadai.

Ayubi 20:16

Ipono ule mo'ito ta umosoo, elono ule ta mepateo.

Po'unde-unde 120:4

Luwuno pana anu montaso inso a pongkiari ka warono keu arari.

Po'unde-unde 91:6

a haki lele anu mepinsolako a laro wongi-wongi, a haki mesaki anu me'a'e ntonga oleo.

Yesaya 65:25

Serigala ka ana bimba ira mongkaa ewo meronga-ronga, singa ta mongkaa seami kana sapi ka ule ta tuwu inso a pampawu. Nahina anu moweweu mosa'o ke mogau mokoburu a luwuno torukuno-Ku,” pau-Do i Ue.

Yeremia 14:18

Tewala meluarako aku a mpada, i ra'ai hinao mia anu mempinepateako ponai! Tewala mewinso aku a laro ngkota, i ra'ai hinao mia anu mahaki hangano mokoninggo! Tendeano, moiko nabi maupo sando mpesomba mpelakopi a wita anu nahi domento'orio.”

Yeremia 15:3

Aku mompotiiako ira opaa rupa pohuku, kanandiomo pau-Do i Ue, ponai pompepate, dahu mporende, manu-manu i laro meene ka luwuno kondehora i tolino ka dompongkaa ka mepingkoo.

Yeremia 16:4

Ondae ira memate hangano luwuno haki anu mompepate; ondae nahi ira mensinabangi ka nahi ira mengkinaburu; ondae ira megagi kana ta'i a wita; ondae ira mepiningkoako ponai ka mokoninggoa; wata ngkoroido ta gagi kaangado manu-manu i laro meene ka kondehora i tolino.

Yeremia 8:17

Kitaomo, Aku motola ira i tonga-tongamiu ule mo'ito; ondae nahi poli pinokomoneaako basa-basa, ka ta tumungku komiu, kanandiomo pau-Do i Ue.”

Ponsabangi 5:10

Kulimami motaha kana pompuuria api, hangano mongkokongirino mokoninggoa.

Yehesikieli 14:15

Ke tewala Kuweweuo kondehora lambaha mpelakopi i wita atuu, anu rumopuo palilino, ranta wita atuu gagi boni-boni, ka nahina maupo te'asa mia mosia telaloio hangano kondehora lambaha atuu,

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 5:17

Aku mompotiiakomu mokoninggoa ka luwuno kondehora lambaha i tonga-tongamu, anu ta rumopu ira anamu. Haki lele ta lumele ka rea ta waa i tonga-tongamu ka Aku mompotiiakomu ponai, Ongkue, Ue, anu pauo.”

Imama 26:22

Aku mompotola ndi omiu kondehora mo'ila anu ta rumopu ira anamiu ka anu ta rumopuo pinotuwumiu, saru weweu komiu gagi tedei, ranta luwuno salamiu gagi boni-boni.

Amosi 9:3

Maupo dompewuni i punsuno torukuno Karameli, Aku mepo'ungke ka Aku umala ira inso i ra'ai; maupo dompewuni a empehino tahi inso a mata-Ku, Aku parentao ule ka itungku ira i ra'ai.

Mika 7:17

Po'ineeomo domposile'i pampawu kana ule, kana kondehora melele i tolino; po'ineeomo dompeluarako saru mpondende inso a mpekorahakodo, ka me'aiwa ndi Ondae i Ue, Ue Alamami, saru mpondende; po'ineeomo ka domedoito ndi Omiu!

Habaku 3:5

I aro-Do melempa haki lele ka haki lele tumondao hanga-Do.

Winali 28:22

Ondae i Ue Ira humukuakomiu mehengge mokari, biibi ka haki buroko, mokula nsa'o ka wita mokari, ponsolangi mpinopaho ka hakino gandu. Luwuno atuu ta lumulu komiu ranta kai tampula.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.

Winali 28:53

Komiu mpongkaa bauno anamu tama ka beine, pe'anakaa anu Doweeakomiu i Ue, Ue Alamiu, a laro pongkadua ka masusaa anu wineweudo iwali ndi omiu.