Winali 32:22 - Wunta Mempori

²² Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.

Winali 32:22 ပူးပေါင်းရင်းမြစ်များ

Po'unde-unde 144:5

Oo Ue, Ilongkuomo langi-Miu ka Ipetiimo, Idanggi iramo torukuno, ranta ka ime'ahu!

Po'unde-unde 21:9

Kae-Miu ta rumakoo luwuno iwali-Miu; kae ngkoana-Miu ta rumako ira mia anu umo'aliaa-Komiu.

Po'unde-unde 46:2

Ondae Ue Ala atuu ndi ontae pepekaduduia ka roso, gagi pontulungi a laro ma'isoa tedoa mengkaa.

Po'unde-unde 83:14

Oo Ue Alaku, weweu iramo kana ota anu tepanee, kana seami anu pinuurino angi!

Po'unde-unde 86:13

hangano langkai ntu'u pompehohawa-Miu nahi bali ndi ongkue, ka ipotolaomo penaaku inso a laro ntolinodo mia mate.

Po'unde-unde 97:3

Api melele i aro-Do, ka mokomo'ai ira iwali anu lumimbu Ira.

Yesaya 24:6

Onaemo pu'uno, pontotonaa ta kumaano tolino, ka palilino ta mohawe pohuku; onaemo pu'uno, palilino tolino ta makura, ka mia anu da tuwu tedeimo koa.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 54:10

Hangano maupo dompelimba torukuno ka luwuno pongku mpelelu, sine pompehohawa-Ku nahi ta melimba inso ndi omue ka pedandia sintuwu-Ku nahi ta melelu, pau-Do i Ue, anu mehohawako.

Yeremia 15:14

Aku weweuko gagi atado iwalimu i wita anu nahi uto'orio, hangano a laro ntekuda-Ku api melanga, langano tumunuko.”

Yeremia 17:4

Tia pusakamu anu Kuweeakomumo ta tepotola inso ndi omue, ka Aku mokogagiko atado iwalimu i wita anu nahi uto'orio, hangano upolangaomo api a laro ntekuda-Ku anu ta melanga nahina tampulaano.”

Yeremia 4:4

Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Ponsabangi 2:2

Nahina pompehohawa-Do i Ue rumopuo luwuno po'iangano i Yako. A laro tekuda-Do Dorawo-rawo ira benteno Yehuda. Doweweuo poparentaa ka luwuno petewawano tepasiako a wita ka tesosa'ai.

Ponsabangi 2:3

A laro ntekuda anu tensila Dopuduo sompo tanduno Isaraeli, wali dumiio kae ngkoana-Do tempono iwali me'umpeda, ka tumunuo i Yako kana api anu melanga, anu monsila'e limbu-limbu.

Ponsabangi 2:4

Dodiio pana-Do kana asa mia iwali, kae ngkoana-Do tetinda kana asa mia umewa. Ondae mepate ira luwu anu pinemoikono mata a laro kemado ana beine Sioni, lumuao tekuda-Do kana api.

Ponsabangi 4:11

Ondae i Ue motolao luwuno tekuda-Do, umuwuo tekuda-Do anu tensila, ka mokomelangao api i Sioni, anu kumaano luwu empehino.

Yehesikieli 19:12

Sine, a laro ntekuda onae tebuta ka pinetadiako i tolino; angi sabaano oleo mokomoleuo mokari, wuano sinintaki sampano anu moroso gagi moleu mokari ka ikaano api.

Yehesikieli 22:21

Aku pumpu komiu ka wurosiakomiu api tekuda-Ku, ranta ka imempinokolono i larono.

Yehesikieli 36:5

Onaemo pu'uno, kanandiomo pau-Do Ue Ala: Ongkue manasa mepau a laro api mahakino aroa-Ku umewaio toreano luwuno tongku ka luwuno Edomi, anu tumantuio wita-Ku gagi tiano saru luwuno po'unde ka pontetewehi, ranta wita pompakambia atuu gagi pomurua.

Yehesikieli 38:19

a laro mahakino aroa-Ku, ka a laro api tekuda-Ku, Aku mepau: A oleo atuu ta gagi lelu anu mongkokongiri i Wita Isaraeli.

Imama 26:20

Ka rosomu ta pingko mpena, witamu nahi ta moweeko hasilino ka luwuno keu i wita atuu nahi ta mompowee wuano.

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Amosi 7:4

Ndiomo anu pinopokita-Do Ue Ala ndi ongkue: Tengkita Iramo Ue Ala moboio api ta pohuku. Api atuu kumaano uwoi piingko a ondaloano ntu'u ka ta piingko ikaano wita lere.

Mika 1:4

Tepe'awuomo luwuno torukuno a ntoto karu-Do, ka luwuno lembono tebansi kana gomo i arono api, kana uwoi te'uwu a pontindulua.

Habaku 3:10

Kumita Komiu, luwuno torukuno mpondidi-ndidi, uwoi mowo u'uru telalo, uwoi a ondaloano moporongeo unino ka tumandeo kaeno.

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

Podoaa 16:33

Kanandiomo dompetii tuwu-tuwu a ntolinodo mia mate meronga luwuno anu hina ndi ondae; ka tolino wali tumutuwio i wawodo, ranta ka dometampula inso i olono bawaa atuu.

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I MATIU 18:9

Ka tewala matamu mopo'ooko, gogoio ka tadiomo atuu, hangano moikoopo upewinso a ntuwua memata aasa sekonopo upinetadiako a laro api naraka kongko orua mata.

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

Winali 29:20

Ondae i Ue nahi Ira umampunio mia atuu. Tekuda ka monsiri-Do i Ue ta tensila ndi onae i tempo atuu. Luwuno sumpa anu teburi a wunta songka andio ta umaluo, ka Ira umoninio i Ue neeno inso i totono langi.

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

IBARANI 12:29

Hangano Ondae Ue Alato onaemo api anu mompokomo'ai.