Winali 32:20 - Wunta Mempori

²⁰ Mepau Ira: Aku wunio rupa-Ku inso ndi ondae, ka kumitao kana'umpe pokotompaado, hangano ondae asa ntuwua anu molengku, luwuno ana anu nahi petenunu.

Winali 32:20 ပူးပေါင်းရင်းမြစ်များ

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Ayubi 13:24

Tembio ka Iwunio rupa-Miu ka motae ongkue gagi iwali-Miu?

Ayubi 34:29

Tewala Ondae merodo-rodo, isema ta mohuku? Tewala Dowunio rupa-Do, isema ta kumita Ira? Ondae umatorao aasa tongku maupo nte'o'asa mia

Yesaya 30:9

Hangano ondae atuu tongku anu mpe'ewa, nana'ote anu ineheno megaupi nana'ote anu nahi behe moronge pompaguru-Do i Ue;

Yesaya 64:7

Nahina anu moboio nee-Miu ke anu me'usaha metako ndi Omiu; hangano Omiu wunio rupa-Miu ndi omami, ka meweengako kami alaro pokungkuno salamami.

Yesaya 7:9

Ka kota poparentaado to Eparai onaemo Samaria, petewawano Samaria onaemo anano i Remalia. Tewala nahi moroso pompe'ala-alamiu, mentee ntu'u nahi komiu merodo.”

Yeremia 18:17

Kana angi i sabaano oleo Aku sumiarawo ira i arono iwali. Aku mopokitao bungku-Ku ndi ondae, komba rupa-Ku, a oleo masolaado.”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Hosea 9:12

Maupo dompokolangkai ira anado, Aku weweu ira ka dontetadi luwu anado. Mentee ntu'u, memasola iramo i tempono Ku'olai inso ndi ondae!

I MATIU 17:17

Ka motae Iramo i Yesu, ”Hei omiu mia atuudo anu nahi mpompe'ala-ala ka anu mebulalingo te'opiapo mbo'u tehineno Kupo'ia i olomiu? Te'opiapo mbo'u tehineno Kusabara ndi omiu? Wawaomo nana'ote atuu ramai!”

I MARAKUSU 9:19

Onaemo Ondae i Yesu ka Dopotaeako ira, ”Hei omiu mia anu nahi mpompe'ala-ala, opiapo mbo'u tehineno Kupo'ia i olomiu? Opiapo mbo'u tehineno asalakono Kusabara ndi omiu? Wawaomo ramai nana'ote atuu!”

I LUKASI 18:8

Kupauakomiu: Ira koa ronga mokomentee ira. Sine, tewala hawe i Ana Manusia, hinaoke Dopohawe pompe'ala-ala i tolino?”

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

Winali 32:5

Mpoweweu ira mokoburu ndi Ondae, komba ana-Do mbo'u hango hinao tataado, asa ntuwua anu molengku ka mpelelengkupi.

Winali 9:23

Ka tempono Dotena komiu i Ue melako inso i Kadesi-Baranea ka Dopepau, ”Imelakomo ka impetorokiomo wita anu Kuweeakomiu atuu,” sine ime'ewaio pau-Do i Ue, Ue Alamiu. Nahi mpe'ala-ala Ira ka nahi mperorongeakono pau-Do.

2 TESALONIKA 3:2

ka kintepotola inso a luwuno anu mporisui ka mia memosa'o gaudo, hangano komba luwuno mia mohawe pompe'ala-ala.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

Yosua 23:10

Asa mia koa inso ndi omiu, anu mokolumulu ira asa nsowu mia, nde Ondae i Ue Ue Alamiu anu me'iwali mokowali komiu, kana anu Dodandiakomiu.