Winali 32:18 - Wunta Mempori

¹⁸ Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

Winali 32:18 ပူးပေါင်းရင်းမြစ်များ

Po'unde-unde 106:21

Domengkolupe Ira Ue Ala anu kumadudui iramo, anu mokomengkaaomo langkaino pabawa-Do i Masiri:

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 9:17

Ondae i Ue mepopoto'ori Iramo, Ondae weweuo moleoa; mia mosa'o gauno kona oho a laro wineweuno kaeno onaeno. Sela

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 3:21

Rongeo! A wawo luwuno pongku londa teronge pengesedo nana'ote Isaraeli anu mpo'ema ntu'u, hangano mpobiniki iramo sala anu tesaa, ka kumolupe Ira i Ue, Ue Alado.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Hosea 8:14

I Isaraeli kumolupeo anu mokogagio ka montadeo luwuno langkanae; i Yehuda mokohadioo kota mebente; sine Aku mompotola api i larono luwuno kotado, ka i'amba luwuno bente ka langkanaedo ta kumaano.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Winali 8:11

Impope'inandaimo, si mengkolupe Ira i Ue, Ue Alamiu, saru nahi mpe'ini a parenta ka atora ka pompakosi-Do, anu kupohaweakomiu a oleo andio;

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

1 Samueli 12:9

Sine domengkolupe Ira i Ue, Ue Alado. Dopeweengako ira a ngkaeno i Sisera, tadulako sorodadu i Hasoro ka a ngkaedo to Pelisiti ka mokole Moabi anu me'iwaliako ira.