Winali 32:15 - Wunta Mempori

¹⁵ Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:15 ပူးပေါင်းရင်းမြစ်များ

2 Samueli 22:47

Ondae i Ue tuwu! Unde-undeomo torukuno watuku, ka Dopinelangkaimo Ue Ala torukuno watu tekaduduiaku,

1 Tawarika 5:25

Sine mansado mpelelu nahi dompetenunu ndi Ondae Ue Alado uempu'udo ka mpesomba a luwuno pesombaado luwuno tongkuno wita anu Doropuomo Ue Ala inso i arodo.

2 Tawarika 12:1

Tempo pabawano i Rehabea gagi mokole rodo ka moroso, onae saru luwuno Isaraeli mebintao songka-Do i Ue.

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Ayubi 15:27

Rupano itutuwiakonomo taba, ka apiino taba ipokonao a ntongano;

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 119:70

Aroado pudu-pudu kana tetutuwiako taba, sine ongkue ineheakono Songka-Miu.

Po'unde-unde 17:10

Aroado tetondo a mpe'aroa mompehohawa, ondae melaba mpau;

Po'unde-unde 18:46

Mia mehawe mpondende aroado ka mpeluarako inso a bantedo saru mpondidi-ndidi.

Po'unde-unde 73:7

Hangano mewalo, matado memungku, aroado luluaako pontuluri.

Po'unde-unde 81:11

Ongkuemo Ue, Ue Alamu, anu tumaateko meluarako inso i wita Masiri; pengangamo telangkai, ka Aku mokobukeo.’

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Po'unde-unde 89:27

Onae ta moboi Aku, ’Omiumo Amaku, Ue Alaku, torukuno watu tekaduduiku.’

Po'unde-unde 95:1

Aiwamo tomengkokora-kora mawongkoako Ira i Ue, mengkokora-koraakono torukuno watu tekaduduiato.

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 43:1

Sine kanandio-andio, kanandiomo pau-Do i Ue anu mokogagiko, hei Yako, anu weweuko, hei Isaraeli, ”Siimo doito, hangano Kutolosikomo, Kupoboikomo a neemu, omue onaemo mia-Ku.

Yesaya 44:2

Kanandiomo pau-Do i Ue anu mokogagiko, anu weweuko mompu'u inso a laro mpe'anakaa ka anu tumulungiko: Siimo doito, hei tetenaa-Ku i Yako, ka hei Yesiuruni anu Kubinikiomo!

Yesaya 6:10

Iweweuomo aroano tongku andio motea ka birido mobea moronge ka matado metako tepusu, kasi domengkitaakono matado ka merongeakono birido ka mpokonto'oriakono aroado, ka do'amba mpepokule ka gagi tompa.”

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 2:5

Kanandiomo pau-Do i Ue: Hapa anu nahi moleo hinawedo uempu'umiu ndi Ongkue, ranta ka dome'olaia-Kune, tumonda ira pinesombai susua anu nahina tuduno, ka ondaedo gagi nahina tuduno?

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Yeremia 5:7

Tewala kanatuu, kana'umpe Aku umampuniko? Luwuno anamu domebinta Akumo, ka mpesumpa a neeno anu komba Ondae Ue Ala. Umarino Kupokomowohi ira, ondae mponsosabo ka mperonga-ronga melako a raha mpebelesua.

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 4:7

Kohadi-hadiodo, koteha-tehalado ndi Ongkue, marambado Aku umeuakono pontataa.

WINEWEUDO TINENA 28:27

Hangano aroado tongku andio momaluomo, ka birido mobea moronge, ka matado metako tepusu; ka si dompongkitaako matado ka mporongeako birido ka mponto'oriako aroado, ka do'amba mpepokule ka Kupokotompa ira.

WINEWEUDO TINENA 9:5

Sumangki i Saulu, ”Isemake Omiu, Ue?” Mepau Ira, ”Ongkuemo i Yesu anu binobarasaimu atuu.

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

Winali 33:26

Nahina kana Ondae Ue Ala, hei Yesuruni. Ondae mepole ilangi gagi pontulungimu ka luwuno seru a laro maramba-Do.

Winali 33:5

Ondae i Ue gagi mokoledo to Yesuruni, tempono luwuno petewawado tongku mpepumpu, luwuno suku i Isaraeli mperonga-ronga.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

1 Samueli 2:29

Tembio ka nahi upelangkaio pesomba sinumbele ka pesomba kaanga anu kutenaakomiu mempatindao a mpo'iangaa-Ku? Tembio ka upelangkai irapo anamu sekonopo Ongkue, ka impokomadooakono koroimiu bau anu lalu moiko inso a mpesombado bawaa-Ku Isaraeli?