Winali 31:7 - Wunta Mempori

⁷ Ka i'amba i Musa moboio i Yosua ka ipepauakono i arodo luwuno to Isaraeli, ”Pokorosoo ka perodoo aroamu, hangano omue komewinso meronga saru tongku andio a wita anu dinandi-Do i Ue saru sumpa ndi uempu'udo ka pineweengako ndi ondae. Omue anu ta wawa ira ranta ka dompe'ueo.

Winali 31:7 ပူးပေါင်းရင်းမြစ်များ

2 Samueli 10:12

Pokorosoomo aroamu ka aiwamo tompokodatoo tinooto tiano tongkuto ka tiano luwuno kota-Do Ue Alato. Po'ineeomo Doweweuo i Ue anu moiko a pongkita-Do.”

1 Mokole 2:2

”Nami ta tehine mbo'u akumo mate, gagi aroano ka pelelumo kana tama.

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

Danieli 10:19

Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Podoaa 13:20

Ka i'amba kana'umpe wita atuu, ba mewalo ke morungku, i ra'ai ba hadio koa keu ke naahi. Impedatoo aroamiu ka impowawamo tedei inso a hasilino wita atuu.” Tempo atuu kontongaano tempo po'opua wua anggoro anu amba-ambano.

Podoaa 27:19

Tenaomo ka ipentade i arono sando mpesomba Eleasa ka luwuno bawaa, ka potoroomo i arodo.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

EPESU 6:10

Poko'ariano, imemorosomo ndi Ondae i Ue, a morosono pabawa-Do.

Winali 1:38

I Yosua anano i Nunu, puu pompekakaakomu, onaemo anu ta mewinso i ra'ai. Pokorosoakono aroano, hangano onaemo anu ta wawa ira to Isaraeli mpoko'alao wita atuu.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 11:8

Gagi, asalakono impe'ini a luwuno parenta anu kupohaweakomiu a oleo andio, ka imemoroso mpewinso ka mpentorokio wita, ba isua komiu mpesakiako kai mpentorokio,

Winali 3:28

Weeakonomo parenta ndi Yosua saru pokorosoo ka pokomoleoo aroano, hangano onaemo anu ta mesakiako i arodo tongku andio ka onaemo anu ta wawa ira ranta ka dompe'ueo wita anu ta kinitamu atuu.”

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

Winali 31:3

Ondae i Ue, Ue Alamu, Ira sumaki i aromu, ka rumopuo luwuno tongku atuu inso i aromu ranta kai mpokompe'ueo witado. Kanatuumo i Yosua onae ta sumaki i aromu, kana anu pinau-Do i Ue.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.