Winali 31:6 - Wunta Mempori

⁶ Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 31:6 ပူးပေါင်းရင်းမြစ်များ

Tegagia 26:24

Ia wongi atuu Ondae i Ue mepopokita ndi onae saru mepau, ”Ongkuemo Ue Alano i Burahima, amamu. Si doito, hangano Ongkue kumongkomiko. Aku rumonsoko ka weweuo inulemu hadio hangano tetenaa-Ku i Burahima.”

Tegagia 28:15

Menteeano, Aku kumongkomiko ka Aku dumagaiko, maupo isua ulako. Aku wawako mekule i wita andio, hangano nahi Aku bintako, tendeano weweuo mpiha hapa anu Kudandiakomu.”

2 Samueli 10:12

Pokorosoomo aroamu ka aiwamo tompokodatoo tinooto tiano tongkuto ka tiano luwuno kota-Do Ue Alato. Po'ineeomo Doweweuo i Ue anu moiko a pongkita-Do.”

1 Mokole 2:2

”Nami ta tehine mbo'u akumo mate, gagi aroano ka pelelumo kana tama.

1 Mokole 6:13

nine Aku mo'ia i olodo to Isaraeli ka nahi Aku binta ira bawaa-Ku Isaraeli.”

1 Mokole 8:57

Po'ineeomo Ondae i Ue, Ue Alato, kumongkomi kita kana Dokongkomi iramo uempu'uto. Topomperorohi nahi Dobinta kita ke maupo tumadi kita,

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

1 Tawarika 28:10

Kanandio-andio penootiomo, hangano Dobinikikomo i Ue komowangu asa raha gagi po'ianga mempori. Pokorosoomo aroamu ka weweuomo atuu.”

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

2 Tawarika 32:7

”Pokorosoo ka pokorodoomo aroamiu! Siimo doito ka kodei aroa ndi mokole Asuri saru luwuno sorodadu anu perongano, hangano anu kumongkomi kita hadioopo sekono anu kumongkomio.

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Po'unde-unde 94:14

Hangano Ondae i Ue nahi Ira mebungkuio bawaa-Do, mia-Do isa'a nahi Ira bintao;

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Yeremia 32:40

Aku mowutu pedandia nahina tampulaano saru ondae, nine nahi Aku mebungkui ira, tendeano moweweu moiko ndi ondae. Aku numaao i laro aroado dumoitoa-Kune, ka si dome'olai inso ndi Ongkue.

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Sakaria 8:13

Tewala i ndi'ipua megagi komiumo totonaa i olodo luwuno tongku, hei suku Yehuda ka suku Isaraeli, kanandio-andio Aku kumadudui komiu, ranta ka imegagi ronso. Siimo doito, pokorosoomo aroamu!”

Podoaa 13:20

Ka i'amba kana'umpe wita atuu, ba mewalo ke morungku, i ra'ai ba hadio koa keu ke naahi. Impedatoo aroamiu ka impowawamo tedei inso a hasilino wita atuu.” Tempo atuu kontongaano tempo po'opua wua anggoro anu amba-ambano.

Podoaa 13:9

inso a nsuku Benami: i Paliti anano i Rapu;

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

I LUKASI 12:32

Si medoito, hei omiu bawaa kodei! Hangano Ondae Amamiu Dopemoikomo weeakomiu Poparentaa atuu.

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

EPESU 6:10

Poko'ariano, imemorosomo ndi Ondae i Ue, a morosono pabawa-Do.

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 1:29

Umarino atuu mepau aku ndi omiu, ”Si mpondende kasi medoitoako ira.

Winali 11:8

Gagi, asalakono impe'ini a luwuno parenta anu kupohaweakomiu a oleo andio, ka imemoroso mpewinso ka mpentorokio wita, ba isua komiu mpesakiako kai mpentorokio,

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

Winali 31:7

Ka i'amba i Musa moboio i Yosua ka ipepauakono i arodo luwuno to Isaraeli, ”Pokorosoo ka perodoo aroamu, hangano omue komewinso meronga saru tongku andio a wita anu dinandi-Do i Ue saru sumpa ndi uempu'udo ka pineweengako ndi ondae. Omue anu ta wawa ira ranta ka dompe'ueo.

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 4:31

Hangano Ondae i Ue, Ue Alamiu, Ondaemo Ue Ala puu Pompehohawa. Nahi Ira binta komiuke rumopu komiu; Nahi Ira kumolupeo pedandia anu pinau-Do saru sumpa ndi ondae uempu'umiu.

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

2 TIMOTIU 2:1

Onaemo pu'uno, hei anaku, gagimo moroso hangano pe'aroa ndi Ondae i Kerisituu Yesu.

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 10:25

Mepauomo i Yosua ndi ondae, ”Sii medoito, ka kasi molusa aroa miu, impokomorosoo ka impedatoo aroa miu, nde kanatuumo ba Doweweuo i Ue ia luwuno iwali miu anu impeteaako ira.”

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.